ބޮލީވުޑްގެ ޒުވާން ބަތޮލާ އާލިޔާ ބަޓްއާއި ރަންބީރު ކަޕޫރުގެ އެކްޓިންގް ފެނިގެންދާ އެންމެ ފަހުގެ ފިލްމް "ބަރަހަމްސްޓްރާ"، 2020 ވަނަ އަހަރުގެ ހޫނު މޫސުމުގެ ދުވަސްވަރު ރިލީޒްކުރުމަށް ހަމަޖެހިފައިވާކަން، އަޔާން މުކަރުޖީ ހާމަކޮށްފިއެވެ.
"ބަރަހަމްސްޓްރާ" ރިލީޒް ކުރަން ހަމަޖެހިފައިވާ ތާރީހަށް ބަދަލު ގެނެސްފައިވަނީ، ހަމަ އެދުވަސްވަރާ ދިމާކޮށް، ސަލްމާން ހާންގެ "ދަބަންގް 3" ރިލީޒް ކުރާނެކަން ސަލްމާން ހާމަކޮށްފައިވާ ދަނޑިވަޅެއްގައެވެ.
އަޔާން ބުނާ ގޮތުގައި ފިލްމް ރިލީޒްކުރުން ފަސްކުރީ ބައެއް ވިޝުއަލް އިފެކްޓްތަކާ، ލަވަތަކުގެ ސައުންޑު އިތުރަށް ފުރިހަމަ ކުރުމުގެ ބޭނުމުގައި ކަމަށެވެ. "ބަރަހަމްސްޓްރާ" އަކީ އޭނާގެ ހުވަފެން ކަމަށާ، އެ ހުވަފެން އޭގެ އެންމެ ފުރިހަމަ ގޮތުގައި ކުލަޖެހިގެންދާދިއުން ކުޑަކޮށް ލަސްވުމަކުން މައްސަލައެއް ނެތް ކަމަށްވެސް އަޔާން ވަނީ ބުނެފައެވެ.
އާލިޔާއާއި ރަންބީރުގެ އިތުރުން "ބަރަހަމްސްޓްރާ" އިން ފެނިގެންދާ އިތުރު ތަރިންނަށް ބަލާއިރު އަމީތާބު ބައްޗަން، ނާގަރުޖޫނާ، މޯނީ ރޯއީ އަދި ޑިމްޕަލް ކަޕާޑިއާ ފާހަގަކުރެވެއެވެ.
