މާވެލް އެންޓަޓެއިންމަންޓްގެ އެންމެ ފަހުގެ ފިލްމް "އެވެންޖާޒް: އެންޑްގޭމް"ގެ ފޭނަކު އެ ފިލްމު ބަލައިގެން ހޮސްޕިޓަލަށް ގެންދަން ޖެހިއްޖެއެވެ.
ޗައިނާގެ އަންހެނަކު ހޮސްޕިޓަލަށް ގެންދަންޖެހުނީ "އެވެންޖާޒް: އެންޑްގޭމް" ބަލަން އިނދެގެން ރޯންފެށި ގޮތަށް ހުއްޓާ ނުލައިގެންނެވެ.
އެވެންޖާޒް ފްރެންޗައިޒްގެ އެންމެ ފަހު ފިލްމު މިހާރުވެސް ދުނިޔޭގެ އެކި ހިސާބުތަކުގައި ގިނަ ރެކޯޑްތަކެއް މުގުރަމުންދާއިރު، މި ފިލްމު ވަނީ އޮންލައިންކޮށް ލީކުވެސް ކޮށްފައެވެ. ނަމަވެސް ފޭނުންދަނީ އިންޓެނެޓުގެ ޒަރިއްޔާއިން ލިބިދާނެ ކުޑަ ނަމަވެސް އިޝާރާތަކުން ފިލްމުގެ ކުރި މެރުނަ ނުދީ ވޭތޯ ކުރެވެން އޮތްހާ ކަމެއް ކުރަމުންނެވެ.
ހޮސްޕިޓަލަށް ގެންދަން ޖެހުނު، އުމުރުން 21 އަހަރުގެ އަންހެން މީހާއަކީވެސް އެވެންޖާޒްގެ ސުޕާ ފޭނެއް ކަމަށްވެއެވެ. މަންޒަރު ދުށް ބައެއް މީހުން ބުނީ ހޮސްޕިޓަލަށް ގެންދެވުނު އަންހެން މީހާ އުޅުނީ ނޭވާވެސް ނުލެވިގެން ކަމަށާ، އޭނާގެ އަތް ފައިވެސް އައްސިވެގެން އުޅުނުކަމަށެވެ.
3 ގަޑިއިރަށްވުރެ ގިނަ ވަގުތަށް ދެމިގެންދާ މި ފިލްމު ބުދަ ދުވަހު ސިނަމާތަކުގައި ދައްކަން ފަށާފައިވާއިރު، މިހާތަނަށް އެތައް ސަތޭކަ މިލިއަން ޑޮލަރެއް ވަނީ ހޯދާފައެވެ.
