މިހިނގާ 2019 ވަނަ އަހަރު ރިލީޒް ކުރަން ހަމަޖެހިފައިވާ ބޮލީވުޑް ފިލްމުތަކުގ ތެރެއިން އެންމެ ގިނަ ބަޔަކު އިންތިޒާރު ކުރަމުންދާ އެއް ފިލްމުގެ ގޮތުގައި ލިސްޓުކޮށްފައިވާ "ދަބަންގް 3" ރިލީޒްކުރާ ތާރީހު އާންމުކޮށްފިއެވެ.
ފިލްމުގެ ޓީޒާ ޕޯސްޓަރަކާއެކު ސަލްމާން ހާން އާންމުކުރި ޓުވީޓެއްގައި ބުނެފައިވާ ގޮތުން "ދަބަންގް 3" ރިލީޒްކުރާނީ ޑިސެމްބަރު 20 ވަނަ ދުވަހުއެވެ.
"ދަބަންގް" ފްރެންޗައިޒްގެ 3 ވަނަބައިގެ ގޮތުގައި ރިލީޒްކުރާ "ދަބަންގް 3" ގައި ސަލްމާން ހާންގެ އިތުރުން ދެން ފެނިގެންދާ މަޝްހޫރު ތަރިންގެ ތެރޭގައި ސޮނާކްޝީ ސިންހާ އަރުބާޒް ހާން ފާހަގަކުރެވެއެވެ.
"ދަބަންގް 3" ރިލީޒް ކުރާ ދުވަސްވަރަކީ، ރަންބީރު ކަޕޫރާ އާލިއާ ބަޓްގެ "ބްރަމާސްޓްރާ"ވެސް ރިލީޒްކުރާ ދުވަސްވަރަށް ވުމުން، ބޮކްސް އޮފީހުގައި ދެފިލްމުގެ ވާދަވެރިކަން އިންތިހާއަށް ގަދަވެގެންދާނެ ކަމަށް ބެލެވެއެވެ.
