މާވެލް ސާގާގެ ފަހުތަޅާލުންގަނޑު ބަލާލުމަށް ގިނަ ބަޔަކު އުއްމީދުކުރަމުންދިޔަ "އެވެންޖާޒް: އެންޑްގޭމް" އޮންލައިންކޮށް ލީކުކޮށްލައިފިއެވެ.
ޑިޒްނީއިން ކުރިހާ މަސައްކަތެއް ފެނަށް ގޮސް، މުޅި ފިލްމުގެ ހުރިހާ މަންޒަރުތަކެއް އޮންލައިންކޮށް ލީކުކޮށްލާފައިވާއިރު، ދުނިޔޭގެ އެކި ހިސާބުތަކަށް މި ލީކު ފެތުރެމުންދަނީ އަލިފާންގަނޑެއް ފެތުރެމުންދާހާ ބާރު މިނުގައި ކަމަށް ފާޑުކިއާ ފަރާތްތަކުން ވަނީ ސިފަކޮށްފައެވެ.
މިމައްސަލަ ހައްލުކުރުމަށް ޑިޒްނީގެ ގާނޫނު ވަކީލުންގެ ޓީމުން މިހާރުވެސް މަސައްކަތް ކުރަމުންދާކަމަށް މުނިފޫހިފިލުވުމުގެ ދާއިރާގެ ޚަބަރުތައް ބުނެއެވެ.
ދުނިޔޭގެ އެކި ހިސާބުތަކުގެ ސިނަމާތަކުގައި މި ފިލްމު މިހާރު ދައްކަމުންދާއިރު، މަޝްހޫރު ޓީވީ ސީރީޒް "ކޮމިއުނިޓީ"ގެ ފޭނުންނަށް ހާއްސަ ސަޕްރައިޒެއް މި ފިލްމުގައި ވަނީ ހިމަނާފައެވެ. އެގޮތުން "ޗޭންގް"އާއި "ޝާލީ"ގެ އާދަޔާ ހިލާފު މަންޒަރުތަކެއް މިފިލްމުން ފެނިގެންދާނެއެވެ. ނަމަވެސް އެތަފްސީލުތައް ފިލްމު ބަލައިގެން ހޯދުމަށް ފޭނުންނަށް ދޫކޮށްލާނަމެވެ.
