މާލޭ ސިޓީ ކައުންސިލަށް އެނގިހާ އަވަހަކަށް، ނިއުޕޯޓު ރެސްޓޯރަންޓް ހުސްކުރަން ތައްޔާރަށް ތިއްބެވި ކަމަށް، މާލޭ ސިޓީ ކައުންސިލުގެ މޭޔަރު ޝިފާ މުހައްމަދު ވިދާޅު ވެއްޖެއެވެ.
ޝިފާ މިހެން ވިދާޅުވީ، ނިއުޕޯޓު ވިއު ހުސްކުރަން ސަރުކާރުން އެންގި ފަހުން 1 މަސް ވީ އިރުވެސް އެތަން ހުސްކޮށްފައި ނުވާތީ، އެކަމާ ކަންބޮޑުވުން ފާޅުކޮށް މީހަކު ކުރި ޓްވީޓެއްގެ ޖަވާބުގައެވެ.
ނިއުޕޯޓް ވިއު ހިންގަމުންދާ ސްޓްރާޑާ ޕްރައިވެޓް ލިމިޓް ކުންފުންޏަށް އެ ތަން ހުސްކުރަން ޕްލޭނިން މިނިސްޓްރީން އެއް މަސްދުވަހުގެ ނޯޓިސްއެއް ދިނީ، މިދިޔަ މާޗްމަހުގެ 10 ވަނަ ދުވަހުއެވެ. އެތަން ހުސްކުރަން އަންގާފައި ވަނީ ތަނުގެ ކުލި ނުދައްކާތާ 3 މަސް ދުވަސް ވެފައިވާތީ އެވެ. އަބްދުﷲ ޔާމީން ގެ ސަރުކާރުން އެތަން ކުއްޔަށް ދޫކުރި އިރު، ހަދާފައިވާ އެގްރީމަންޓް ގައި ވާގޮތުން، ތަނުގެ ކުލި ނުދައްކާތާ އެއްމަސް ދުވަހުގެ ތެރޭގައި ސަރުކާރަށް ތަން ހުސްކުރަން އެންގިދާނެ އެވެ.
ނިއުޕޯޓް ވިއު ހުންނަ ސަރަހައްދު ސްޓްރާޑާ ކުންފުންޏަށް ކުއްޔަށް ދިން އިރު، އެ ކުންފުނީގެ މެނޭޖިން ޑިރެކްޓަރަކަށް ހުރީ، އޭރު ވެރިކަން ކުރި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ކައުންސިލް މެންބަރެއްގެ ގޮތުގައި ހުރި ޒާހިދު ރަމީޒެވެ. ނަމަވެސް ވެރިކަން ބަދަލުވުމުން ޒާހިދު ވަނީ ކުންފުނި ހިންގުމާ ދުރުވެ އޭނާގެ އަންހެނުން މަލަކާ އަބްދުލް ހަކީމްގެ ނަމަށް ކުންފުނި ބަދަލު ކޮށްފައެވެ.
ޒާހިދަކީ ކުރީގެ ރައީސް ޔާމީނާއި ގާތް ގުޅުމެއް އޮންނަ މީހެކެވެ. ނަމަވެސް ޔާމީން ޖަލަށްލާން ކޯޓުން ކުރި ހުކުމާއެކު، ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ ޕާޓީ ހިސޯރު ކޮށްފި ކަމަށް ބުނެ އޭނާ ވަނީ ޕީޕީއެމުން ވަކިވެފައެވެ.
އަދި މި ފަހަކަށް އައިސް، މިހާރު އޮތް ސަރުކާރުގެ ބައެއް އިސްވެރިންނާއި ޒާހިދުއާ ގުޅުން އޮންނަކަމަށާއި، އެތަނުން ސަރުކާރުގެ ބޮޑެތި މީހުން ފާއިދާ ނަގަމުން ދާ ކަމުގެ ވާހަކަތައް ސޯޝަލް މީޑިއާގައި ފެތުރިފައި ވެއެވެ.
ޝިފާ ހަމަ މޮޔަވީތޯ؟؟ ސިޓީ ކައުންސިލްގެ މޭންޑޭޓަކީ ތަންތަން ހުސްކޮށްދިނުންތޯ؟؟ ބައިވަރު ގެތައް އެބަހުރި ކުލި ނުދައްކައިގެން ހުސްކުރަން ޖެހިފަ. ދާންވީ ނުންތޯ؟ މުސާރަ 40000 ރުފިޔާއަށް އަމިއްލައަށް ބޮޑު ކުރީ މިމަސައްކަތައްތޯ؟
ޝިފާ ކުރާނެ ކަމެއް ނޭނގިގެން އުޅެންޔާ. މާ ޒާތީ ވެގެން ނޫޅެ، މާލެ ގަސްކޮޅެއް ޖަހައިލައިގެންވެސް ފިނި ކޮށްދީ ބަލަ.