ހޮނިހިރު ދުވަހު އޮތް މަޖިލިސް އިންތިހާބުގެ އދ.މާމިގިލީ ދާއިރާގެ ވޯޓު ފޮށްޓެއް އަލުން ގުނުމުން، މިފަހަރު އެ ދާއިރާއަށް ކުރިމަތިލެއްވި އެ ދާއިރާގެ މިހާރުގެ ވެސް މެންބަރު ގާސިމް އިބްރާހީމަށް 18 ވޯޓު އިތުރު ވެއްޖެއެވެ.

އިލެކްޝަންސް ކަމިޝަނަށް ހުށައެޅުނު ޝަކުވާއަކާ ގުޅިގެން މިއަދު ގުނާފައި ވަނީ، މާމިގިލީ ދާއިރާގެ ފެންފުށީ ގައި ބަހައްޓާފައިވާ ވޯޓު ފޮށްޓެކެވެ. އެދާއިރާގެ 3 ވޯޓު ފޮށްޓެއްގެ ބާތިލު ވޯޓު ވެސް ރޭ އިލެކްޝަންސް އިން ގުނާފައި ވެއެވެ.

މިއަދު ގުނި ފޮށިން ގާސިމަށް 18 ވޯޓު އިތުރު ވި އިރު، އެ ދާއިރާއަށް ވާދަ ކުރި އެމްޑީޕީގެ ކެންޑިޑޭޓް އަލީ އަމީޒަށް 11 ވޯޓު އިތުރުވެފައި ވެއެވެ. އޭގެ އިތުރުން ރޭ ގުނި ވޯޓުގެ ތެރެއިން ގާސިމަށް 64 ވޯޓު އިތުރު ވެފައި ވެއެވެ. އަދި އަމީޒަށް 45 ވޯޓު ވަނީ އިތުރު ވެފައެއެވެ.

މިހާރު ނަތީޖާ ދައްކާ ގޮތުން ގާސިމަށް ލިބިފައިވަނީ 1163 ވޯޓެވެ. އަދި އަމީޒަށް ޖުމްލަ 1057 ވޯޓު ލިބުނު އިރު އެދާއިރާއިރާއަށް ލޭބާ ޕާޓީގެ ފަރާތުން ނިކުތް އަހްމަދު އިބްރާހީމަށް ލިބިފައިވަނީ 24 ވޯޓެވެ.

ސިޔާސީ