ރަނގަޅު ގޮތް ކިޔައިދިނުމަކީ ސުޕްރީމް ކޯޓުގެ މަސްއޫލިއްޔަތެއް ނޫން ކަމަށް ކުރީގެ ރައީސް މުހައްމަދު ނަޝީދު ވިދާޅު ވެއެވެޖެއެވެ.
ނަޝީދު މިރޭ ޕީއެސްއެމަށް ދެއްވި އިންޓަވިއުގައި ވިދާޅުވީ، ވަކިކަމެއް ގާނޫނު އަސާސީ އާ ހިލާފު ވެގެން އެކަމެއް، ވަކި ގޮތަކަށް ބަދަލު ކުރުމަށް ސުޕްރީމް ކޯޓުން އަމުރު ކުރެވިދާނެ ކަމަށް ގަބޫލުފުޅު ނުކުރައްވާ ކަމަށެވެ. ކަމެއް ގާނޫނު އަސާސީ އާ ހިލާފުވާނަމަ އެއީ ގާނޫނު އަސާސީ އާ ހިލާފު ކަމެއް ކަން ސުޕްރީމް ކޯޓަށް ފާހަގަ ކުރެވިދާނެ ކަމަށް ނަޝީދު ވިދާޅުވިއެވެ. ނަޝީދު ވިދާޅުވީ، އެކަން ރަނގަޅު ކުރާނީ ރައްޔިތުންގެ މަޖިލީހުން ކަމަށެވެ.
"ސުޕްރީމް ކޯޓަށް މިހާރު މިވަގުތު ގާނޫނު އަސާސީ އޮތް ގޮތުން ވަކި ކަމެއް ގާނޫނު އަސާސީ އާ ހިލާފް ވޭ، އެހެންވީމަ މިވެނި ގޮތަކަށް ބަދަލު ކުރާށޭ ވިދާޅުވުމަށް ވުރެ، ވިދާޅު ނުވެވޭނެ ކަމަށް އަޅުގަނޑު ދެކެނީ. ވިދާޅުވެވޭނީ ވަކި ކަމެއް ގާނޫނު އަސާސީއާ ހިލާފޭ. ރައްޔިތުންގެ މަޖިލީހުން އެކަން ރަނގަޅު ކުރާނީ" ނަޝީދު ވިދާޅުވިއެވެ.
ސުޕްރީމް ކޯޓުން ގާނޫނުގެ މާއްދާތައް އުވާ ނުލެވޭނެ ކަމަށާއި، ސުޕްރީމް ކޯޓަށް ޖެހޭނީ ރައްޔިތުންގެ މަޖިލީހުގައި އެދެން ކަމަށް ވިދާޅުވެ، ނަޝީދު މިރޭ ވަނީ ޖުޑިޝަރީއަށް ވަރަށް ބޮޑަށް ފާޑު ވިދާޅުވެފައި ވެއެވެ.
