އެމްޑީޕީގެ އާރުކާޓީގައި ހިމެނޭ އިމްތިޔާޒު ފަހުމީ ވިދާޅުވާހެން 'ފައިސާ، ފައިސާ، ފައިސާ' ގެ ލޭބަލާ، އެޕާޓީގެ ރައީސް މުހައްމަދު ނަޝީދު ވިދާޅުވާ ވައްކަމުގެ ހުތުރު ލައްގަނޑު އިދިކޮޅު ލީޑަރުންގެ އިސްތަށިފުޅުގައި އެޅިފައި އޮތުމަކީ ނިމިދިޔަ މަޖިލީސް އިންތިހާބުގައި އިދިކޮޅުން ބޮޑު ނާކާމިޔާބީއާ ކުރިމަތިލާން ޖެހުނު ސަބަބުތޯއެވެ.
ސިޔާސީ ހަގީގަތް އޮތް ގޮތަށް ބަލާއިރު ވެރިކަން ކުރާ އެމްޑީޕީން މަޖިލީސް ކެމްޕޭނުގައި ރައްޔިތުންނަށް ދެ ކަމެއް ވިސްނައި ދީފައިވެއެވެ. އެއް ކަމަކީ ސަރުކާރުގެ ވައުދުތައް ފުއްދުމަށްޓަކައި މަޖިލީހުގެ މެޖޯރިޓީ ލިބުމުގެ މުހިންމު ކަމާއި ނިމިދިޔަ ސަރުކާރުގައި ހިންގާފައި ހުރީ ބޮޑެތި ކޮރަޕްޝަނާ ވައްކަން ކަމަށް ބުނެ އިދިކޮޅަށް 'ނޫނެކޭ' ބުނެމަށެވެ. ޚުދު ރައީސް އިބްރާހިމް މުހައްމަދު ސޯލިހުވެސް ވަނީ އެ ވައްކަމުގެ ވާހަކަތައް ވަރަށް ހާމަކަން ބޮޑުކޮށް ދައްކަވާފައެވެ.
އެއާޕޯޓުތަކާއި، ބްރިޖާއި، ދަރުމަވަންތަ ހޮސްޕިޓަލް ފަދަ ބޮޑެތި މަޝްރޫއުތަކުން އަގު ނުކުރެވޭ ހާ ބޮޑެތި ވައްކަން ކޮށްފައި ހުރި ވާހަކައެވެ. ރައްޔިތުންނަށް ބޯހިޔާވަހިކަން ފޯރުކޮށް ދިނުމުގެ ނަމުގައިވެސް ކޮރަޕްޝަނާ ވައްކަން ހިންގާފައި ވާ ވާހަކައެވެ.
އޭސީސީގެ ރިޕޯޓުތަކާ، އެމްއެމްއޭ އިން ފުލުހުންނަށް ހުށަހަޅާފައި ހުރި މަނީ ލޯންޑަރިންގެ މައްސަލަތަކުން ތިލަވެގެން އައި ފައިސާގެ ބޮޑެތި އަދަދުތައް ވީ ހަގީގަތުގައިވެސް ދިވެހިންނަށް ގޮތް ނިންމަން ފަސޭހަވި ސާފު ސަބަބަކަށެވެ.
ސަރުކާރު ހިންގާ ކޯލިޝަނުން ރައްޔިތުންގެ ގާތުގައި ދެއްކި ވާހަކަތައް ރަނގަޅަށް 'ވައިގައި ހިފި' އެވެ. އެކަން ރައްޔިތުންނަށް ގަބޫލުވެސް ކުރެވިއްޖެއެވެ. ކުރީގެ ރައީސް އަބްދުﷲ ޔާމީނުގެ އަމިއްލަފުޅު އެކައުންޓްތަކުގައި 100 މިލިއަން ރުފިޔާ ރައްކާ ކޮށްފައި ހުރި ވާހަކަ ބުނީމާ ރައްޔިތުންނަށް 'ފުދުނެވެ'. އިތުރު ތަފްސީލަކަށް ބޭނުން ނުވެ ރައްޔިތުން ނިންމީ 'ވަގުންގެ' އަތް ދަށުން މިގައުމު ސަލާމަތް ކުރަން ކަން ނިމިދިޔަ އިންތިހާބުން ސާފު ވެއްޖެއެވެ.
އިހަށްދުވަހު އާރާ ބާރާ އެކު ވެރިކަން ކޮށްފައި ފޭބި ޕީޕީއެމް ކޯލިޝަނަށް މަޖިލީހުން އެންމެ 6 ގޮނޑި ލިބުނީމާ އެއީ ލަދުވެތި ކަމެއް ނޫންތޯއެވެ؟ އަދި އެކޯލިޝަނާ ބައިވެރިވި ޖޭޕީއަށްވެސް މަޖިލީހުގައި ލިބުނު ދެރައިގެ ހިޔަންޏަކަށް ވީ 'ވަގު' ކަމަށް ގިނަ ބަޔަކު ދަނީ ބުނަމުންނެވެ. ޕާޓީގައި އިހުލާސްތެރި މަސައްކަތްތައް ކުރަމުން ދިޔަ މެންބަރުންނަށް މަޖިލީހުގެ ޓިކެޓް ނުދީ 'ވައި ކުޑާގައި' ފޭބި ބަޔަކަށް ނުވަތަ އަލީ ވަހީދު ވިދާޅުވާހެން 'ކަނޑުފޭރޭ' ބަޔަކަށް ޓިކެޓްތައް ބަހާލުމުގެ ނަތީއަކީ އެންމެ 6 ގޮނޑިއެވެ.
ސިޔާސީ ގޮތުން ބަލާއިރު މިއީ އިދިކޮޅު ލީޑަރާއި، އަބަދުވެސް ގިނަ ބަޔަކު ގަބޫލު ކުރާ 'ކިންގްމޭކާ' ގެ މޫނުގައި ރައްޔިތުން ޖެހި ތަފާލެކެވެ. ސިޔާސީ ގޮތުން 'އުރައްޕަތެއް' ނެތް ކަމުގެ ސާފު ހެއްކެކެވެ. ރައްޔިތުން، އެބޭފުޅުން ބަލައި ނުގަންނަ ކަމުގެ އަލިގަދަ ދަލީލެކެވެ. ފަސްބައިގައި އެޅިފައި އޮތް 'ވަގު' ލަގަބު ދިރި އޮތް ކަމުގެ ސާފު މިސާލެވެ.
މި ގަައުމުގެ ހަލާކު ތީ ގާސިމް.
ތިޔައީ ސިޔާސީ ރަންޑިން. މިިގައުމުގައި ދެން ތިޔަ ގާސިމަކަށްވެސް ތިޔަ ޔަމީނަކަށްވެސް ޖާގައެއް ނެތް. ރޮލެކްސް ގަޑިއަ ކޯހީ ނޫރުގެ ޒަމާން ދިޔަ ގޮތަށް ސޭޓުގެ ޒަމާންވެސް ދިޔައީ.
ބަރާބަރު ވާހަކަ އެއް. ހުރިހާ ކަމަކަށް ވީ ވައްކަން ކުރުން.