މިއަހުރުގެ މަޖިލިސް އިންތިހާބުގެ ވޯޓުލުން ނިމުނު އިރުވެސް ކުރީގެ ރައީސް އަބްދުﷲ ޔާމީން ވޯޓު ނުލައްވާ ކަމަށް އެ މަނިކުފާނު ނިސްބަތްވެ ވަޑައިގަންނަވާ ޕީޕީއެމް އިން ބުނެފިއެެވެ.
އެ މަނިކުފާނު ނިސްބަތްވެ ވަޑައިގަންނަވާ ދާއިރާ އަކީ، މައްޗަންގޯޅި އުތުރު ދާއިރާއެވެ. އެ މަނިކުފާނަށް ބޮޑުބެ ވިދާޅުވާ ފާރިސް މައުމޫން ވާދަ ކުރަައްވަނީ މި ދާއިރާއަށެވެ. އަދި މި ދާއިރާއަށް ޕީޕީއެމް ގެ ކެންޑިޑޭޓް ޖަމީލާ އަލީ ޚާލިދު ވެސް ވާދަކޮށްފައި ވެއެވެ.
މީގެ އިތުރުން، އެމްޑީޕީގެ ކެންޑިޑޭޓް މުހައްމަދު ރަޝީދާއި، އަމިއްލަ ގޮތުން ވާދަ ކުރާ އާދަމް މަނިކުގެ އިތުރުން، މުހައްމަދު ރަޝީދުވެސް މި ދާއިރާއަށް ކުރިމަތި ލާފައި ވެއެވެ.
މި އަހަރުގެ އިންތިހާބު ނިމުނު އިރު ވޯޓުލުމުގެ ހައްގު ލިބިފައިވާ 207،000 އަށް ވުރެ ގިނަ މީހުން ވޯޓު ލާފައިވެއެވެ. މިއީ މި އިންތިހާބުގައި ވޯޓުލުމުގެ ހައްގު ލިބިފައިވާ ފަރާތް ތަކުގެ 78 ޕަސެންޓެވެ.
