ނިއުޒީލަންޑުގެ ކްރިސްޓްޗާޗްގައި ހުރި ދެ މިސްކިތަކަށް ހަމަލާ ދީ އެތައް ބަޔަކު މަރާލި ހާދިސާގައި ހަމަލާ ދިނުމުގައި ހަރަކާތެރިވީ އެކަކު ކަމަށް ބެލެވޭ ކަމުގައި އެގައުމުގެ ފުލުހުން ބުނެފިއެވެ.
ޕޮލިސް ކޮމިޝަނަރު މައިކް ބުޝް ވިދާޅުވީ އެ ހާދިސާއާ ގުޅިގެން 4 މީހަކު ހައްޔަރު ކޮށްފައި ވީ ނަމަވެސް ހަމަލާ ދިނުމުގައި ހަރަކާތްތެރިވީ އޮސްޓްރޭލިއާގެ ރައްޔިތެއް ކަމުގައިވާ ބްރެންޓޮން ޓެރަންޓް ކަމަށް ގަބޫލު ކުރެއްވޭ ކަމަށެވެ. ނަމަވެސް ބާކީ ތިބި 3 މީހުންގެ ބައިވެރިވުން ނެތް ކަމަށް މުޅިން ނިންމެވީ ނޫން ކަމަށްވެސް ވިދާޅުވެއެވެ.
ކްރިސްޓްޗާޗްގެ އަލްނޫރު މިސްކިތަށާ ލިންވްޑް މިސްކިތަށް ދިން ހަމަލާތަކުގައި 50 މީހުން މަރުވެ 50 މީހުން ވަނީ ޒަހަމްވެފައެވެ. ޒަހަމްވި މީހުންގެ ތެރެއިން 34 މީހަކު މިހާރުވެސް ގެންދަނީ ހޮސްޕިޓަލުގައި ހޯދަމުންނެވެ. ޒަހަމްވި މީހުންގެ ތެރޭގައި ބަޑީގެ ވަޒަން އަރާފައިވާ މީހުނާ ސަލާމަތް ވުމަށް މަސައްކަތް ކުރުމުގެ ތެރޭގައި އަނިޔާވެފައި ވާ މީހުން ހިމެނެއެވެ.
ނިއުޒީލަންޑްގައި ދިން މި ޓެރަރިސްޓް ހަމަލާ އާ ގުޅިގެން އެގައުމުގައި ބަޑި ގެންގުޅުމުގެ ސިޔާތަށް ބަދަލުތަކެއް ގެންނަވާނެ ކަމަށް ވޮޑުވަޒީރު ވަނީ އިއުލާނު ކުރައްވާފައެވެ. އެގޮތުން މާދަމާ ބާއްވާ ކެބިނެޓް ބައްދަލު ވުމުގައި އެކަމާ ބެހޭ ގޮތުން މަޝްވަރާތައް ކުރައްވާނެ ކަމަށް ބޮޑުވަޒީރުގެ ވަނީ ވިދާޅުވެއެވެ.
ނިއުޒީލަންޑްގައި ދިން މިހަލަމާއަކީ އެގައުމުގެ ތާރީހުގައި ހިންގާފައި ނުވާވަރުގެ ބޮޑު ޓެރަރިސްޓް އަމަލެކެވެ.
