މިއަދު ރާއްޖެ އަންނަން ތާވަލުކޮށްފައި އޮތް ޕާކިސްތާނުގެ މަނަވަރަށް ރާއްޖެއިން ހުއްދަ ނުދިން ކަމަށް ދެކެވޭ ވާހަކަ ޕާކިސްތާން އެމްބަސީން ދޮގުކޮށްފިއެވެ.

'ދަޕްރެސް' އަށް ލިބުނު މައުލޫމާތުގެ އަލީގައި ކަމާ ގުޅުންހުރި ފަރާތްތަކާ ހަވާލާދީ އެ މަނަވަރު އައުމަށް ބޭނުންވާ ޑިޕްލޮމެޓިކް ކްލިއަރެންސް ރާއްޖެއިން ނުދިން ކަމަށް ޝާއިއު ކުރުމުން ރާއްޖޭގައި ހުންނަ ޕާކިސްތާނު އެމްބަސީއާ ހަވާލާދީ އޮންލައިން ނޫހެއްގައި ޖަހާފައިވަނީ އެއީ ދޮގު ހަބަރެއް ކަމަށެވެ.

'ދަޕްރެސް' އިން ބެލި ބެލުމުން އެނގުނީ ޕާކިސްތާނުގެ މަނަވަރު ރާއްޖެ އައުމުގެ މަޝްވަރާތަށް މިހާރު ކުރިއަށް ދާކަމަށެވެ. އަދި ކުރިން އެވާހަކަ ރިޕޯޓް ކުރީ ޕާކިސްތާނުގައި ހުންނަވާ ރާޢްޖޭގެ ޑިފެންސް އެޑްވައިޒާ ލެފްޓިނަންޓް ކާނަލް އިބްރާހިމް ހިލްމީ ޕާކިސްތާނުގެ ޑިފެންސް މިނިސްޓަރީއަށް ހާޒިރު ކުރި ކަމުގެ މައުލޫމާތު ލިބުމާ ގުޅިގެންނެވެ. މިހާތަނަށް ބެލި ބެލުމުން އެއީ ނުހިނގާ ކަމެއް ކަމަށް އެއްވެސް ފަރާތަކުން ބުނެފައި ނުވުމާ ޑިޕްލޮމެޓިކް މަޝްވަރާތައް ކުރިކަން ވަނީ އެނގިފައެވެ.

'އަބަދުވެސް ޑިޕްލޮމެޓިކް ފެންވަރުގެ މަޝްވަރާތައް ކުރާނެ އެއް ގައުމު އަނެއް ގައުމާ' ދަޕްރެސްއަށް މައުލޫމާތު ދެއްވި އޮފިޝަލް ވިދާޅުވެފައި ވެއެވެ.

މައުލޫމާތު ލިބިފައިވާ ގޮތުގައި ޕާކިސްތާނު މަނަވަރު ރާއްޖެ އައުމަށް ތާރީހެއް ހޯދުމުގެ މަޝްވަރާތައް މިހާރު ހިނގަމުން އެބަދެއެވެ.

ސިޔާސީ