މަސްތުވާތަކެއްޗާއެކު ތައިލެންޑުން ހައްޔަރު ކުރި ދިވެއްސަކު އެ ގައުމުގެ ޖަލުގައި މަރުވެއްޖެއެވެ.
ފުލުހުން ބުނީ މަސްތުވާތަކެތީގެ މައްސަލައެއްގައި ތައިލެންޑު ޖަލުގައި ބަންދުކޮށްފައި ހުއްޓާ މަރުވެފައިވަނީ ތ. ގުރައިދޫ، ފަނާރު، އަހްމަދު ނަބީހު އިބްރާހިމް 22އ. ކަމަށެވެ.
އޭނާ ހައްޔަރުކޮށްފައި ވަނީ ފެބްރުއަރީ 22 ވަނަ ދުވަހު ޑޮން މުއެންގް އިންޓަނޭޝަނަލް އެއާޕޯޓުން ކަމަށްވެސް ފުލުހުން ވަނީ މައުލޫމާތު ދީފައެވެ.
އަދި މިކަމާ ގުޅޭގޮތުން ފުލުހުން ބަލަން ޖެހޭ ކަންކަން، ކަމާ ގުޅުން ހުރި އިދާރާތަކާއި ގުޅިގެން ބަލަމުންދާ ކަމަށް ވެސް ފުލުހުން ބުނެފައި ވެއެވެ.
މީގެ ކުރިން ވެސް އެކު މައްސަލަތަކުގައި ތައިލެންޑުން ދިވެހިން ހައްޔަރުކޮށްފައިވާއިރު ގިނައީ މަސްތުވާތަކެތީގެ މައްސަލަތަކުގައި ހައްޔަރުކުރާ ދިވެހިންކަން ފާހަގަކޮށްލެވެއެވެ.
