އާސަންދަ ސްކީމުގެ ބޭސް ނަގާއިރު، އަމިއްލަ އަތުން ފައިސާ ދައްކަންޖެހިއްޖެ ނަމަ އެ ފާމަސީއެއްގެ ޗަކުވާ ރިޕޯޓް ކުރުމަށް އެދިއްޖެއެވެ.

އާސަންދައިން ބުނީ، އެ ސްކީމްގެ ދަށުން ބޭސް ނަގާއިރު، އމަިއްލަ އަތުން ފައިސާ ދައްކަން ޖެހިއްޖެ ނަމަ ނުވަތަ ބޭހެއް ނުލިބިއްޖެ ނަމަ އެ ޝަކުވާ ވައިބާ މެދުވެރިކޮށް ރިޕޯޓް ކުރެވޭނެ ކަމަށެވެ. އެގޮތުން އާސަންދަ ޝިކާވަތި ޗެޓްލައިން ނަމުގައިވާ ނަންބަރު 7951400 އަށް ރިޕޯޓް ކުރުމަށް އާސަންދަ އިން ބުނެއެވެ.

ޝަކުވާ ހުށަހަޅާއިރު، ބޭސް ފިހާރައިގެ ނަމާއި ބޭސް ސިޓީއާއި، ބޭހުގެ ރަސީދު ފިނުވުމަށް އާސަންދައިން ބުނެއެވެ.

އާސަންދަ ސްކީމުގެ ދަށުން އެންމެ ގިނައިން ދޫކުރާ 250 ބޭހުގެ އަގަށް ދާދި ފަހުން ވަނީ ބަދަލު ގެނެސްފައެވެ. މިއީ ދެމެހެއްޓެނިވި ގޮތެއްގައި ރައްޔިތުންނަށް އާސަންދަ ނިޒާމު ފޯރުކޮށްދިނުމަށް އެޅި މުހިންމު ފިޔަވަޅެކެވެ.

މި ބަދަލު ގެނައުމާ އެކު ބައެއް ބޭސް ފިހާރަތަކުން ވަނީ ކަންބޮޑުވުން ފާޅުކޮށްފައެވެ. އަދި ބައެއް ބޭސް ފިހާރަތަކުން އާސަންދަ ސްކީމުން ބޭސް ދޫނުކުރާ ކަމަށާއި ބައެއް ބޭސްތައް ޖެހެނީ ފައިސާ ދައްކައިގެން ނަގަން ކަމަށް ބައެއް ފަރާތްތަކުން އަންނަނީ ބުނަމުންނެވެ.

ހަބަރު އާސަންދަ