އަލިފާނުގެ ހާދިސާގައި ގެއެއްގެ ނުވަތަ ގޯއްޗެއްގެ ރަޖިސްޓްރީ ގެއްލިއްޖެ ހާލަތުގައި އެ އަނބުރާ ހޯދޭނެ ގޮތެއް ނޯންނާނެ ކަމަށް މާލޭ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.
މިއަދުގެ ހެނދުނުގެ ވަގުތެއްގައި ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީގެ އިތުރުން މާލެ ސިޓީ ކައުންސިލްގެ ރަޖިސްޓްރޭޝަނާ ބެހޭ ބައި ހުންނަ މ. ގްރީން ބިލްޑިން ކޮމްޕްލެކްސްގައި ރޯވެ ހިނގި ބޮޑު އަލިފާނުގެ ހާދިސާގައި ވަނީ އެ އިމާރާތް ބޭނުން ނުކުރެވޭ ވަރަށް އަނދާ ހުލިވެފައެވެ.
އެ ސަރަހައްދުގައި ހުންނަ ސިޓީ ކައުންސިލްގެ ވައިޓަލް ރެޖިސްޓްރޭޝަން އޮފީހަކީ އުފަންވުމާއި މަރުގެ ރެޖިސްޓްރޭޝަންތަކާއި ލިޔެކިޔުންތަކުގެ އިތުރުން ރަށްވެހިކަމާއި ގޯތިތަކުގެ ރެޖިސްޓްރޭޝަން ވެސް ބަލަހައްޓަމުން އަންނަ އޮފީސް ކަމަށްވާއިރު ނަރީޝް ވިދާޅުވީ، އެ އިމާރާތުގެ ތެރޭގައި 1960 އިން ފަށައިގެން މާލޭގައި އުފަންވި އެންމެންގެ ލިޔެކިޔުންތަކާއި ގެދޮރުގެ ރެޖިސްޓްރޭޝަންތައް ހުންނާނެ ކަމަށެވެ.
އުފަން ދުވަހުގެ ސެޓްފިކެޓެއް އަލިފާނުގެ ހާދިސާގައި ނެތިއްޖެނަމަ އެ އިއަދަ ކުރެވުނު ނަމަވެސް ގެއެއްގެ ނުވަތަ ގޯއްޗެއްގެ ރެޖިސްޓްރީ ގެއްލިއްޖެ ހާލަތުގައި އެ އަނބުރާ ހޯދޭނެ ގޮތެއް ނޯންނާނެ ކަމަށް ނަރީޝް ވިދާޅުވި އެވެ.
ޑޮކިއުމަންޓްތައް ސަލާމަތް ކުރުމުގެ މަސައްކަތް އެމްއެންޑީއެފް އާއި ފުލުހުން އަދި މާލެ ސިޓީ ކައުންސިލްގެ މުވައްޒަފުން ގުޅިގެން ކުރަމުންދާ ކަން ފާހަގަކޮށް ނަރީޝް އިތުރަށް ވިދާޅުވީ، މިހާތަނަށް ލިބުނު ގެއްލުން އަންދާޒާ ކުރަން ދަތި ކަމަށެވެ.
ހެދުނު 7 ޖަހާކަންޖާއިރު ރޯވި އެލިފާންގަނޑު ފެތުރި އެ ކޮމްޕްލެކްސްގެ ތެރޭގައި ހުންނަ ހުރިހާ އޮފީހަކަށް އަލިފާނުގެ އަސަރު ކޮށްފައިވާއިރު އަލިފާންގަނޑު ނިއްވާލެވުނީ 4 ގަޑިއިރަށްފަހު އެވެ. އަލިފާނުގެ ހާދިސާ އާއި ގުޅިގެން ކޮންސްޓްރަކްޝަން މިނިސްޓްރީން ދެމުން ގެންދިޔަ ހިދުމަތްތައް މިހާރު ވަނީ މެދު ކަނޑާލާފައެވެ.
ދޮގެއް. ހޯދޭނެ. ކޯޓުތަކާ ބެންކުތަކާ ޚިދުމަތަށް އެދި ހުށަހަޅާ ފޯމުތަކާއެކު ދައުލަތުން ޚިދުމަތެއް ކުރިން ހޯދާފައިވާނަމަ ލިބެންޖެހޭނެ
ކީއްކުރާ ސަރުކާރެއް! ޜައްޔިތު މީޙާަ ގެއްލުވާލީ!