މުސާރަ ނުދޭކަމަށް ބުނެ އިހްތިޖާޖުކުރަމުންދިޔަ 55 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަންގެ ބެލުމުގެ ދަށަށް ގެންގޮސްފައި ވަނީ އިންޑިއާ 38 މީހުންނާއި ބަންގްލަދޭޝްގެ 17 މީހުން ކަމަށް ފުލުހުން ބުނެއެވެ.
މި މައްސަލައާ ގުޅިގެން މީޑިއާތަކަށް ފޮނުވި މެސެޖެއްގައި ފުލުހުން ބުނީ މުސާރަ ނުދޭ ކަމަށް ބުނެ ބިދޭސީންތަކެއް މުލިއާގެއާ ހިސާބުގައި ހިތްހަމަ ނުޖެހުން ފާޅުކުރަމުންދާ މައްސަލައަކަށް ފުލުހުން އެޓެންޑްވެފައިވާ ކަމަށެވެ.
އެ މީހުން މިހާރު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް ވެސް ފުލުހުން ވަނީ ބުނެފައެވެ. އިހްތިޖާޖުކުރަމުންދިޔައީ ކޮން ކުންފުންޏެއްގައި މަސައްކަތް ކުރަމުންދާ މުވައްޒަފުންތަކެއް ކަމެއް އަދި މިހާތަނަށް އެގިފައެއް ނުވެއެވެ.
ބިދޭސީން ލައްވާ ކުރުމަށްފަހު މުސާރަނުދޭ މައްސަލަތަކެއް މީގެކުރިން ވެސް ވަނީ ފެންމަތިވެފައެވެ.
