އާސަންދަ ސްކީމްގެ ދަށުން އެއްވެސް ބޭހެއް ކަވަރު ކުރުން ހުއްޓާ ނުލާ ކަމަށް އެ ކުންފުނިން ބުނެފިއެވެ.
އެވާހަކަތައް ދޮގު ކުރަމުން އެ ކުންފުނިން ރޭ ބުނީ ކުރިއެކޭ އެއްގޮތަށް މިހާރުވެސް އާސަންދަ ސްކީމްގެ ދަށުން ބޭހަށް ކަވަރޭޖް ލިބޭނެ ކަމަށާއި އާސަންދަ ސްކީމްގެ ދަށުން އެއްވެސް ބޭހެއް ކަވަރު ކުރުން ހުއްޓާ ނުލާ ކަމަށެވެ.
އަދި ސްކީމުން ކަވަރު ކުރާ ބޭސްތަކާއި އެ ބޭސްތަކަށް ސްކީމުން ކަވަރުކުރާ މިންވަރު، އާސަންދަ ވެބްސައިޓުގެ "ޑައުންލޯޑްސް، ސެކްޝަނުގައިވާ "މާސްޓާރ މެޑިސިން އެންޑް ކޮންސިއުމަބްލްސް ލިސްޓް" އިން ފެންނަން ހުންނާނެ ކަމަަށްވެސް ބުނެފައި ވެއެވެ. އަދި އެ ސްކީމުން ކަވަރު ނުކުާ ބޭހެއް ލިޔެ ދީފި ނަމަ ބޭސް ސިޓީގައި 'ނޮން ކަވާޑް' ލިޔެފައި އޮންނާނެ ކަމަށް ވެއެވެ.
އަދި އެފަދަ ނޫން ބޭހެއް ގަންނަން ޖެހިއްޖެ ނަމަ އެ ޝިކާވަތި ޗެޓްލައިން 7951400 އަށް ވައިބަރ ނުވަތަ ވަަޓްސްއެޕް މެސެޖް މެދުވެރިކޮށް ރިޕޯޓް ކުރުމަށް ވެސް އެ ކުންފުނިން ވަނީ އެދިފައެވެ.
އެންސްޕާއިން ދާދި ފަހުން ވަނީ އާސަންދަ ސްކީމުގެ ދަށުން އެންމެ ގިނައިން ދޫކުރާ 250 ބޭހުގެ އަގަށް ބަދަލު ގެނެސްފައެވެ. މިއީ ދެމެހެއްޓެނިވި ގޮތެއްގައި ރައްޔިތުންނަށް އާސަންދަ ނިޒާމު ފޯރުކޮށްދިނުމަށް އެޅި މުހިންމު ފިޔަވަޅެއް ކަމަށް އެންސްޕާއިން ބުނެއެވެ.
