ސްޓެލްކޯއިން ފެށި އިސްލާމީ މަރުކަޒުގެ މުންނާރުގެ ތިރީގައި ހަދާފައިވާ މަސްފެންގަނޑު މަރާމާތުކުރުމުގެ މަސައްކަތް ނިންމައިފިއެވެ.
އިސްލާމިކް މިނިސްޓްރީގައި މިއަދު ބޭއްވި ރަސްމިއްޔާތެއްގައި ސްޓެލްކޯއިން ވަނީ އިސްލާމީ މަރުކަޒުގެ މުންނާރުގެ ތިރީގައި މަރާމާތުކޮށްފައިވާ މަސްފެންގަނޑު ރަސްމީކޮށް އިސްލާމިކް މިނިސްޓަރީއާ ހަވާލުކޮށްފައެވެ. މި ހަރަކާތަކީ ސްޓެލްކޯގެ ސީއެސްއާރުގެ ދަށުން ކާމިޔާބުކަމާއެކު ނިންމާލާފައިވާ ހަރަކާތެއް ކަމަށް އިސްލާމިކް މިނިސްޓްރީން ބުނެއެވެ.
އިސްލާމީ މަރުކަޒަށް 40 އަހަރު ފުރުން ފާހަގަ ކުރުމުގެ ގޮތުން، އެ މަރުކަޒުގެ މުންނާރު ކައިރީގައި މަސްފެންގަނޑެއް ހެދުމަށް އިސްލާމކް މިނިސްޓްރީން އިއުލާންކުރި ނަމަވެސް ިގްތިސޯދީ ގޮތުން ހާލަތު އޮތް ގޮތުން އެ އިއުލާން ވަނީ ބާތިލްކޮށްފައެވެ. ނަމަވެސް މިދިޔަ މަހުގެ 7 ވަނަ ދުވަހު އިސްލާމީ މަރުކަޒުގެ ފެންގަނޑު މަރާމާތުކޮށްދޭން ސްޓެލްކޯއިން ވަނީ ޝައުގުވެރިކަން ފާޅުކޮށްފައެވެ.
މިކަމަށް ޝައުގުވެރިކަން ފާޅުކުރައްވާ ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެފައި ވަނީ ސަގާފީ އަދި ދީނީ ތަރިކައެއް ރައްކާތެރިކޮށް، ދެމެހެއްޓެނިވި ގޮތެއްގައި ބެހެއްޓުމަށް މަސައްކަތް ކޮށްދިނުމަކީ ފަހުރެއް ކަމަށެވެ.
އެގޮތުން އެ މަސްފެންގަނޑު މަރާމާތު ކުރުމުގެ އަމަލީ މަސައްކަތް ސްޓެލްކޯއިން ފަށާފައި ވަނީ މިދިޔަ މަހުގެ 14 ވަނަ ދުވަހުއެވެ.
ސްޓެލްކޯގެ އަމާޒަކީ، ތާރީހީ އަދި ސަގާފީ މުހިންމު ތަންތަން ހިމާޔަތްކޮށް، ކުރިއެކޭ އެއްގޮތަށް އެތަނަށް ދިރުން ގެނައުމެވެ.
