އާބަން ސެންޓަރުތަކުގެ ގޮތުގައި ތަރައްގީކުރާނެ ހަތް ރަށް މިއަދު އިއުލާނު ކޮށްފިއެވެ.
ރައީސް ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް އާބަން ސެންޓަރުތަކުގެ ގޮތުގައި ތަރައްގީކުރާނެ ހަތް ރަށަކީ:
- ރ. އުނގޫފާރު
- ބ. އޭދަފުށި
- ޅ. ނައިފަރު
- އދ. މަހިބަދޫ
- ފ. ނިލަންދޫ
- ދ. ކުޑަހުވަދޫ
- ލ. ފޮނަދޫ
މި އަހަރުގެ މާޗު މަހު ދ. ކުޑަހުވަދޫގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ޑރ. މުހައްމަދު މުއިއްޒު ވަނީ ރާއްޖޭގެ އެންމެ އުތުރުގެ 4 އަތޮޅަކީ ޑިވެލޮޕްމަންޓު ޒޯނެއްގެ ގޮތުގައި އަދި އެންމެ ދެކުނުގެ 4 އަތޮޅުވެސް ޑިވެލޮޕްމަންޓް ޒޯނެއްގެ ގޮތުގައި ތަރައްގީކުރައްވާނެކަމުގައި ވިދާޅުވެފައެވެ.
ރައީސް ވަނީ އާބަން ސެންޓަރެއްގެ ގޮތުގައި ތަރައްގީ ކުރާއިރު، ކުޑަހުވަދޫ ކައުންސިލުން ފާހަގަކުރެއްވި ހުރިހާ ކަމެއްވެސް ފުރިހަމަވެގެންދާނެކަމަށެވެ. އެގޮތުން ބަނދަރުވެ ބޮޑުކޮށް ރަނގަޅުފެންވަރެއްގައި ތަރައްގީކުރުމާއި ކޮމާޝަލް ހާބަރެއް ތަރައްގީކުރުމާއި ހޮސްޕިޓަލުގެ ހިދުމަތްތައް އިތުރުކޮށްދެއްވާނެ ކަމަށް ރައީސް ވަނީ ވިދާޅުވެފައެވެ.
އާބަން ޑިވެލޮޕްމެންޓް ރީޖަންގެ ގޮތުގައި ތަރައްގީކުރާނެ ސަރަހައްދުތައް ހިމެނޭނެ ރަށްރަށާއި އަތޮޅުތައް ކަނޑައަޅާފައިވަނީ އެ ސަރަހައްދެއްގައި ހިމެނޭ ރަށްތަކުގައި ދިރިއުޅޭ މީހުންގެ އާބާދީ ބައިލައްކަ އަށް ވުރެ ދަށްނުވާނެ ފަދަ ގޮތަކަށް ބަލައިގަތުމުގެ އިތުރުން، ކުރިއަށް އޮތް 10 އަހަރުގެ ތެރޭ އާބަން ރީޖަނެއްގެ އާބާދީ ލައްކައަކަށް އިތުރުކުރުމަށް ސިޔާސަތުތައް އެކަށައަޅައިގެންކަމަށް ޕަބްލިކް ޕޮލިސީ ސެކްރެޓަރީ އަބްދުﷲ ނާޒިމް އިބްރާހީމް ވަނީ ވިދާޅުވެފައެވެ.
