ރާއްޖޭގައި ގަވާއިދާ ހިލާފަށް "ޓެކްސީގެ ހިދުމަތް" ދެމުންދާ ބިދޭސީއެއް ކަމަށް ބުނާ މީހާ އާއި ގުޅޭ މައުލޫމަތު ސާފުކޮށްފައިވާކަމަށް އިމިގްރޭޝަނުން ބުނެފިއެވެ.
ރެސިޑެންސް ވިސާ ނެތި ޓެކްސީކުރަމުންދާ ބިދޭސީއެއްކަމަށް ބުނެ ޓެކްސީ ޑްރައިވަރުންގެ ކޮމިއުނިޓީގައި ދައުރުވަމުން ދާ މެސެޖުގައިވަނީ އެމީހާ އެއްާޕޯޓުން ހައްޔަރުކޮށް ޖޫރިމަނާވެސްކޮށްފައިވާ ކަމަށެވެ. މި ބިދޭސީ މީހާ ދޫކޮށްލުމާއި ގުޅިގެން ކަމާއި ގުޅުންހުރި އިދާރާތަަކަށް ފަޑުކިޔުންތައް އަމާޒުވެފައިވާ އިމިގްރޭޝަނުން ވަނީ މިކަމުގެ ތަފްސީލު ހާމަކޮށްފައެެވެ.
އެގޮތުން އިމިގްރޭޝަނުން ބުނީ މީސްމީޑިއާގައި ހަބަރު ފެތުރިފައިވާ ބިދޭސީ މީހާއި ގުޅޭގޮތުން ލިބިފައިވާ މައުލޫމާތުގެ މައްޗަށް ބިނާކޮށް ދިވެހި ފުލުހުން މި މައްސަލަ ބަލާފައިވާކަމަށެވެ. އަދި މި މީހާއާއި ގުޅޭ މައުލޫމާތު އިމިގްރޭޝަނާއި ހިއްސާކޮށްފައިވާކަމަށެވެ.
އިތުރަށް އިމިގްރޭޝަނުން ބުނީ މި ބިދޭސީ މީހާއަކީ ދިވެއްސަކާއި ކައިވެނިކޮށް، ސައްހަ "ރެސިޑެންސް ވިސާ" ގެ އިތުރުން ޓެކްސީ ހިދުމަތް ދިނުމުގެ ހުއްދަ އަދި ލައިސަންސް އޮތް ފަރާތެއްކަން ކަށަވަރުވެފައިވާ ކަމަށެވެ.
