ރާއްޖޭގައި މަޝްހޫރު ސުޒޫ ބިއުޓީ ސެލޫން ހިންގަމުން އަންނަ 'ސުޝްމިތާ ދައުގޮދާ' އާއްމުކޮށް ކިޔާ ނަމުން ނަމަ ސުޒޫ ނަމަކަށް ކިޔާ ބިދޭސީއަކު ހައްޔަރުކޮށް ޑިޕޯޓް ކޮށްފިއެވެ.
އިމިގްރޭޝަނުން ބުނީ ރާއްޖޭގައި ގަވާއިދާ ހިލާފަށް ފުޅާދާއިރާއެއްގައި ބިއުޓީ ސެލޫންގެ ވިޔަފާރިކުރަމުން އައި ފަރާތެއް ކަމުގައިވާ ސުޒޫ އާ ގުޅޭގޮތުން "އިމިގްރޭޝަން ވޮޗް" އަށް ލިބިފައިވާ ރިޕޯޓަކާއި ގުޅިގެން، އޮގަސްޓު 18 ވަނަ ދުވަހު ހާއްސަ އިންސްޕެކްޝަނެއް ހިންގާފައިވާ ކަމަށެވެ.
އެގޮތުން މި ބިދޭސީފަރާތަކީ އޭނައަށް ދޫކޮށްފައިވާ ހުއްދައިގެ (ވިސާގެ) ބޭރުން ގަވާއިދާ ހިލާފަށް ވިޔަފާރިކުރަމުން އައި ފަރާތެއްކަން އެނގިފައިވާކަމަށް އިމިގްރޭޝަނުން ވަނީ ބުނެފައެވެ. އަދި އެހެންވެ އޭނާ އިމިގްރޭޝަން ބެލުމުގެ ދަށަށް ގެނެސް، އޮގަސްޓު 20 ވަނަ ދުވަހު ވަނީ ފުރުވާލާފައެވެ.
ސުޒޫގެ އިތުރުން ރާއްޖޭގައި ގަވާއިދާ ޚިލާފަށް ފުޅާދާއިރާއެއްގައި ބިއުޓީ ސެލޫންގެ ވިޔަފާރިކުރަމުން އައި ފަރާތެއް ކަމުގައިވާ "ރަޖަނީ ޝްރެސްތާ" ނުވަތަ އާއްމުކޮށް ކިޔާ ނަމުން ނަމަ 'ރިޒް' ވެސް ވަނީ ހައްޔަރުކޮށް ޑިޕޯޓްކޮށްފައެވެ.
