ރައްޔިތުންގެ މަޖިލީހުގެ އިންތިހާބުގައި އަމިއްލަ ގޮތުން ވާދަކުރެއްވި ބައެއް ކެންޑިޑޭޓުން ޕީއެންސީއަށް މިއަދު ސޮއިކުރައްވައިފިއެވެ.
ނިމިދިޔަ އިންތިހާބުގައި ޕީއެންސީން 66 ގޮނޑި ކާމިޔާބު ކޮށްފައި ވަނިކޮށް އަމިއްލަ ގޮތުން ވާދަ ކުރި ކެންޑިޑޭޓިންގެ ތެރެއިން 6 މެންބަރަކު ސޮއިކުރެްވުމާ އެކު ޖުމްލަ އަދަދު މިހާރު 72 އަށް އެރީއެވެ.
މިއަދު ސޮއި ކުރެއްވި މެންބަރުން؛
- ޑރ. އަނާރާ ނަޢީމް – ހުރާ ދާއިރާ
- ހަސަން ޒަރީރު – މަތިވެރި ދާއިރާ
- އަހްމަދު ޒަމީރު – މައްޗަންގޮޅި މެދު ދާއިރާ
- އަހްމަދު ރިޔާޒް – ތިމަރަފުށި ދާއިރާ
- ޔާސީން އަބްދުﷲ - ނައިފަރު ދާއިރާ
- އާޒިމް އަބްދުލް އަޒީޒް – ވިލިނގިލި ދާއިރާ
މި މެންބަރުންގެ އިތުރުން ޕީއެންސީ ކޯލިޝަންގައި ޖުމްހޫރީ ޕާޓީގެ މެންބަރަކާއި އެމްޑީއޭގެ 2 މެންބަރަކާއި އެމްއެންޕީގެ މެންބަރަކު ހިމެނޭއިރު ސުޕާ މެޖޯރިޓީގެ އަދަދު 76 އަށް އެރީއެވެ.
