މުދާ އުފުލާ ދޯންޏެއްގައި އުޅޭ އުމުރުން 36 އަހަރުގެ ދިވެހި ފިރިހެނަކު ގެއްލިގެން ހޯދަން ފަށައިފިއެވެ.
ފުލުހުން ބުނީ، ދ. މާއެނބޫދޫ / ރަތްފުސްގެ، އިބްރާހީމް ޝުޖާއު (36އ)، މިހާރު ދިރިއުޅޭ އެޑްރެސް، (ނޫވިލާ / މ. މުލި) އާއިލާއަށް ހަބަރެއްނުވެ ގެއްލިފައިވާ ކަމަށް ޖުލައި 30 ވަނަ ދުވަހުގެ 22:04 ހާއިރު ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ކުރަމުންދާ ކަމަށެވެ.
ފުލުހުންނަށް މިކަން ރިޕޯޓްކުރުމާއި ގުޅިގެން އެމީހާ ހޯދުމުގެ މަސައްކަތް ކުރަމުންދާއިރު، މިހާތަނަށް ކުރެވުނު މަސައްކަތުން އެމީހާ ހޯދިފައި ނުވާ ކަމަށް ފުލުހުން ވަނީ ބުނެފައެވެ.
އޭނާ އުޅެނީ މުދާ އުުފުލާ ދޯންޏެއްގައި ކަމަށާއި އެންމެ ފަހުން އޭނާގެ ހަބަރެެއް ވެފައި ވަނީ ޖުލައި މަހުގެ 14 ވަނަ ދުވަހުގެ މެންދުރު 12:37 ހާއިރު ފޯނުން ކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށް ފުލުހުން ވަނީ ބުނެފައެވެ.
އެހެންކަމުން އޭނާއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ މުލި ޕޮލިސް ސްޓޭޝަން ނަންބަރު 9980067 އަށް ގުޅާ ހިއްސާ ކުރުމަށް ފުލުހުން ވަނީ އެދިފައެވެ.
