މިދިޔަ އަންގާރަ ދުވަހުން ފެށިގެން، ކ ތުލުސްދޫ، ޕަރިސްތާ / މުހައްމަދު މަހްދީ (35) ގެއްލިގެން ހޯދަމުން ދަނިކޮށް ފެނިއްޖެއެވެ.
މަހުދީގެ އާއިލާއިން ދާދިދެންމެއަކު އެކަން ކަށަވަރު ކޮށްދީ ވަނީ އޭނާ ހޯދަން މަސައްކަތް ކޮށްދިން މީހުންނަށް ޝުކުރު އަދާކޮށްފައެވެ. އެހެންނަމަވެސް ފެނުނީ ސީދާ ކޮން ސަރަހައްދަކުން ކަމެއް އެނގިފައެއް ނުވެއެވެ.
ޕޮނިކަރާ ސަރަހައްދުން މަހުދީ އިއްޔެ އިރުއޮއްސޭކަށް ހާއިރު ފެނިގެން ރިޕޯޓު ކޮށްފައިވާ ކަން މީގެ ކުރިން އޭނާގެ ޅިޔަނަކު ވަނީ "ދަ ޕްރެސް" އަށް ކަށަވަރު ކޮށްދީފައެވެ.
މަހުދީއަކީ ސިކުނޑީގައި އުނި ކަމެއް ހުރުމުގެ އިތުރުން ނަފްސާނީ ބަލީގެ ޝިކާރައަކަށް ވެފައި ވުމުގެ ސަބަބުން ކުއްލި ރުޅި އަންނަ މީހެއް ކަމަށާއި ރުޅި އަންނަ ފަހަރަކު ކޮންޓްރޯލް ކުރަން އެނދަގޫ ވުުމުގެ އިތުރުން ގިނަ ފަހަރު ކުރިމަތީގައި ތިބޭ މީހުންނަކީ ކޮންބަޔެއްކަން ނޭނގޭ ފަހަރުވެސް ދާ ކަމަށް އޭނާގެ ޅިޔަނަކު ވަނީ ބުނެފައެވެ.
މަހުދީގެ ބައްޕައާއި ޅިޔަނެއްގެ އިތުރުން އޭނާގެ އެއްބަނޑު އެއްބަފާ ދައްތަ މި ދަތުރުގައި ބައިވެރިވެފައިވާ އިރު މި އެންމެންވެސް ދިޔައީ މަހުދީ ހޯދުމުގެ މަސައްކަތް ކުރަމުންނެވެ.
މީގެ އިތުރުން މަހުދީގެ މަންމައާއި އާއިލާގެ އެހެން މެމްބަރުން ކޮޗިންއަށް ދިއުމަށްޓަކައި މިއަދު ފުރާފައި ވެއެވެ.
