އިންޑިއާގެ ހިންދޫންނާއި ސިކުން އަޅުކަމަށް ދާ ފަރުބަދަމަތީ އަވަށެއް ކަމަށް ވާ ޖޯޝިމަތްގެ ގެތަކާއި މަގުތަކުގައި ބޮޑެތި ރެނދުތައް ލައި ފަޅަފަޅައިގެން ދާތީ އޮފިޝަލުން ކަންބޮޑުވެއްޖެއެވެ.
ކަނޑުގެ ލޮނުގަނޑުން ފެށިގެން 6200 ފޫޓު އުސްމިނުގައި އޮންނަ މި އަވަށަކީ 25،000 މީހުންގެ އާބާދީއެއް އޮންނަ އަވަށެކެވެ. ހަބަރުތައް ބުނާގޮތުން މިހާރުވެސް 600 ގެއެއްގައި ބޮޑެތި ރެނދުތައް ލައި ފަޅަފަޅައިގެން ގޮސްފައި ވާ އިރު ތަޅުންގަނޑާއި މަގުތަކުގައި ފެޅިފައި ހުރި ބައެއް ތަންތަނުން ކިސަޑުވެސް ދަނީ އަރަމުންނެވެ.
އެ އަވަށުގެ މީހުން ބުނާ ގޮތުން، އެކަން މެދުވެރިވެފައި ވަނީ އެ އަވަށަކީ އިންޑިއާ އާއި ޗައިނާ ހިއްސާ ކުރާ ލައިން އޮފް ކޮންޓްރޯލް (އެލްއޯސީ) ގެ މައި މަގު ވެސް އޮންނަ އަވަށަށް ވެފައި ޗައިނާގެ ބޯޑަރަށް ދާ އެ މަގު އިތުރަށް ތަރައްގީ ކުރުމާއި އެމީހުންގެ ދީނީ އަޅުކަމަށް ދާ ތަންތަނަށް ފަސޭހައިން ދެވޭނެ ގޮތަށް އިތުރު މަގުތައް ހެދުމާއި އެ އަވަށާ ކައިރީގައި އިންޑިއާ ސަރުކާރުން ގާއިމު ކޮށްފައި ވާ ހައިޑްރޯއިލެކްޓްރިކް ޕަވާ ސްޓޭޝަނަށް ދާ ބިމު އަޑީގެ މަގެއް ހަދަމުން ދާތީއެވެ. އެއާއެކު އެ އަވަށުގެ ބިމުގެ ވެލިގަނޑު ދޫވެ އަންނަ ލޮޅުމުގެ އަސަރު ކުރަނީ ކަމަށްވެސް އެ އަވަށުގެ މީހުން ބުނެއެވެ.
އެ އަވަށުގެ މީހުންނާ ހަވާލާދީ އޭއެފްޕީއާއި އެހެން ބައެއް މީޑިއާތަކުން ބުނެފައި ވަނީ، ގެތަކުގެ ހާލަތު އެހާ ދަށްވެފައި ވުމުން މިހާރު ބިރުން ނިދަންވެސް ނުކުރޭ ކަމަށާއި ގިނަ ރޭރޭ ނިދަނީ ގަދަ ފިނީގައި ބޭރުގައި ކަމަށެވެ.
އެ އަވަށް ފުނޑުފުނޑު ވުމުގެ ބިރު ބޮޑުވެފައި ވުމުން، އިންޑިއާ ސަރުކާރުން ވަނީ، އެގައުމުގެ ބޮޑުވަޒީރު ނަރެންދަރް މޯދީގެ ސަރުކާރުގެ ކާމިޔާބީގެ ރަމްޒަކަށް ހެދުމަށް މަސައްކަތް ކުރާ، އަޅުކަމަށް ދާ މަގުތަކުގެ މަސައްކަތް މިވަގުތަށް ހުއްޓާލާފައެވެ. އަދި އެ އަވަށުގައި ތިބި މީހުން ރައްކާތެރި ސަރަހައްދުތަކަށް، ހޮޓާ، ގެސްޓްހައުސް ތަކަށް ބަދަލުކުރުމުގެ މަސައްކަތް ފަށާފައި ވާ ކަމަށްވެސް ހަބަރުތައް ބުނެއެވެ. މީގެ އިތުރުން ބިންގަނޑު ކަނޑައިގެން ދިޔުމާއި ގެތަކުގައި ރެނދުލައި ރޫޅެން ދިމާވާ ސަބަބު ދެނެގަތުމަށް ހާއްސަ ޓީމުތަކެއްވެސް މިހާރު އެ އަވަށް ގޮސްފައި ވާ ކަމަށް ބުނެއެވެ.
ޞިމު އަޑީގެ މަގެއް ހަދަންޏާ އެހެންވާނެތާ ދިވެހިންނެކޭ ތަފާތެއް ނެތް އެއްވެސސް ސަރވޭއެއް ނުހަދާ މަސައްކަތް ނިންމާލަނީ ތިޔައޮތީ ވާނެ ހައެތި ވެފަ