މާލޭގައި ބުޅަލުގެ އުނދަގޫ ބޮޑުވެ އާންމުންގެ ޝަކުވާ ލިބޭއިރު ވެސް އެ މައްސަލައިގައި ބުޅަލާ މެދު އަޅާލަން ޖެހޭ މުއައްސަސާތަކުން އަޅާނުލާތީ، މޭޔަރު ޑރ. މުހައްމަދު މުއިއްޒު އެކަމުގެ ނުރުހުން ފާޅުކުރައްވައިފިއެވެ.
މީޑިއާ އާ ބައްދަލުކުރައްވައި މުއިއްޒު މިއަދު ވިދާޅުވީ، މާލޭގެ މަގުތަކުގައި އުޅޭ ބުޅާތަކުގެ ސާފުތާހިރުކަން ކުޑަވެ، މާލޭގެ ބައެއް މަގުތަކުގެ ސާފުތާހިރުކަން އާންމު އިޖުތިމާއީ މިންގަނޑަށް ވުރެ ދަށްވެފައިވާ ކަމަށެވެ. އެ މައްސަލައިގައި ސިޓީ ކައުންސިލުން އިސްނަގަން ޖެހުނީ އެހެންވެ ކަމަށް ވިދާޅުވެ، މޭޔަރު ވަނީ އެ މައްސަލައިގައި އަޅާލަން ޖެހޭ އެހެން އިދާރާތަކުން އަޅާނުލާތީ އެ އިދާރާތަކަށް ފާޑުވިދާޅުވެފައެވެ.
"ހަގީގަތުގަ މިކަމަކީ މި ކަމާ ސީދާ ގުޅޭ މުއައްސަސާތަކުން އުޅެން ޖެހޭ ކަމެއް. އެއީ އެއް ގޮތަކުން ބަލަންޏާ އެންވަޔަރަމަންޓަލް އިޝޫއެއް މީގަ އެބައޮތް، އަދި ޖަނަވާރުތަކާ ގުޅޭ އެކިކަހަލަ ރެގިއުލޭޓަރީ ކަންކަން ކުރާ ފަރާތްތައް،" މުއިއްޒު ވިދާޅުވިއެވެ.
ނަމަވެސް ފިޝަރީޒް މިނިސްޓްރީންނާއި އީޕީއޭގެ އިތުރުން، ޕަބްލިކް ހެލްތު ދާއިރާ އިން މި މައްސަލައިގައި އެއްވެސް ވަރަކަށް އަޅާނުލާ ކަމަށް މުއިއްޒު ވިދާޅުވިއެވެ.
އެޗްޑީސީން އިސްނަގައިގެން 3،000 ބުޅަލުގެ ޖާގައިގެ ފެސިލިޓީ އެއް ފަރުކޮޅުފުށީ ގައި (ހުޅުމާލެ ފޭސް 2 ގައި) ހިންގުމަށް ހަމަޖެހިފައިވާ ކަމަށާއި އެކަމުގައި ކައުންސިލާ މެދު އެއްބަސްވުމަކަށް އައި ކަމަށް ދެ އިދާރާ އިން ހާމަކުރީ މިދިޔަ ޖޫން މަހުގައެވެ. ނަމަވެސް މުއިއްޒު ވިދާޅުވި ގޮތުގައި، އެޗްޑީސީގެ ފަރާތުން އެ މަސައްކަތަށް މިހާރު އެއްބާރުލުމެއް ނުލިބެއެވެ.
އެހެންވެ، ކައުންސިލުން ހަރަދުކުރާ ގޮތަށް، ދެ ފަހަރެއްގެ މަތިން ބުޅާ ފެސިލިޓީ ގާއިމްކޮށްދޭނެ ބަޔަކު ހޯދަން ކައުންސިލުން އިއުލާނުކުރިއެވެ. ނަމަވެސް، އެކަމަށް ތަރުހީބެއް ނުލިބުނެވެ. އެހެންކަމުން ކައުންސިލުން ނިންމީ ވެޓް ކްލިނިކެއް ހިމެނޭހެން އަމިއްލަ އިމާރާތެއް ގާއިމްކުރުމުގެ މަސައްކަތް ކުރުމަށް ކަމަށާއި، ކުރެހުންތައް ނިމި، މިހާރު ކުރިއަށް ދަނީ އެ އިމާރާތުގެ ޓެކްނިކަލް މަސައްކަތް ކަމަށް ވިދާޅުވިއެވެ.
މުއިއްޒު ވިދާޅުވި ގޮތުގައި، އަންނަ ޖެނުއަރީ މަހު ބުޅާ ފެސިލިޓީގެ މަސައްކަތްތައް ފެށައި، ހަތަރު މަސްދުވަހުގެ ތެރޭގައި މަސައްކަތްތައް ނިންމާލުމަށް ފަހު އެ ތަން ހިންގަން ފެށޭނެއެވެ.
ކައުންސިލްގެ ހަރަދުގައި ބުޅާ ފެސިލިޓީ އެއް ގާއިމްކުުރުމަށް ފާސްކޮށްފައި ވަނީ މިދިޔަ އޮގަސްޓް މަހުގެ ފަހުކޮޅުގައި ކައުންސިލުން ބޭއްވި ރަސްމީ ޖަލްސާގައެވެ. އެތަނުގެ މަސައްކަތަށް އަށް މިލިއަން ރުފިޔާ ހަރަދުވާނެ ކަމަށް ލަފާކުރެވެއެވެ.
ފިޝަރީޒް މިނިސްޓްރީންކުރި ވެޓްކްލިނިކް ހިންގުމުގެ އިއުލާނުގެބިޑް ކާމިޔާބުކޮށް ކާމިޔާބުކުރި ކުންފުންނަށް ބިޑް އެވޯޑްކޮށް ވިލިމާލޭގައި ވެޓްކްލިނިކް ހިންގަންއަޅާ އިމާރާތުގެ ކުރެހުން އާރޓިކްޗަރޒް ލައްވާ ކުރަހާ ހުއްދަހޯދާ ތިޔަމިންސްޓްރީއިން ކުރެހުމަށް އާބަސްބުނެ އަދި އެތައްމަސައްކަތެއްކުރިފަހުން ޒަހާވާޙީދު މިޓިންގެއް ބާއްވާ މަސައްކަތް ކެންސަލްކުރީ. ލިބުނު ގެއްލުމުގެ ބަދަލުވެސް ނުދީ ޒަހާ އެހެރީ ރައީސްއޮފީހުގައި ބޮޑުގޮނޑިހޫނުކުރަން. ރައްޔިތުމީހާ އަދި ބުޅާތަށް ދެރައީ. ﷲ އެޒަހާއަށް ދުވަހެއްވާކަން ދައްކަވާނެ. ތިޔަމިނިސްޓްރީން މިޔަށް ޖަވާބެއްދީބަލަ
ބުޅާގެންގުޅޭނެ ތަނެއް ސަރުކާރުން ހަދައިފި ނަމަ ކާންދިނުމަށް އާންމު ރައްޔިތުންގެ އެހީލިބޭނެކަން ޔަޤީން... އަޅުގަނޑު މިހާރުވެސް ފަންސާހަކަށް ބުޅަލަށް ދުވާލަކު އެއްއިރު ކާންދެން، ވިއްސަކަށް ބުޅަލަށް ދެއިރު ކާންދެން.....އެއީ ދެސަރަހައްދެއްގައި...
ކޮބާތޯ މޭޔަރު ވިލިމާލޭގާ ހެއްދެވި ބުޅާ ސިޓީ އެތަނައްގެންގޮސް ހުރިހާ ބުޅާތަކައް ބޯހިޔާވަހިކަން ދިނުމައް ވީވައުދު ފުއްދަވާ