ޕާކިސްތާނަށް އެހީވުމަށް މީޑިއާތަކުން ކުރިއަށް ގެންދިޔަ ޓެލެތޯނުގައި ލިބުނު 3.8 މިލިއަން ރުފިޔާ ހަވާލުކޮށްފިއެވެ.
"ޕާކިސްތާނު މޯލްޑިވްސް ފްރެންޑްޝިޕް އެސޯސިއޭޝަން" އިން އިސް ނަގައިގެން ރާއްޖޭގެ ބައެއް މީޑިއާތަކާ ގުޅިގެން ޓެލެތޯން ބޭއްވީ މި މަހުގެ 1 ވަނަ ދުވަހުއެވެ.
ޕާކިސްތާނަށް އެހީވުމުގެ ގޮތުން ފަންޑު ފޮށި ބަހައްޓާފައިވަނީ މާލޭގެ އާޓިފިޝަލް ބީޗާއި ވިލިމާލޭ ފެރީ ޓާމިނަލާއި ދިވެހިރާއްޖޭގެ އަޑާއި ޓީވީއެމް އަދި ޖުމްހޫރީ މައިދާނުގެ އިތުރުން ހުޅުމާލޭ ފޭސް 1 އަދި ފޭސް 2 ގައި ފަންޑު ފޮށި ބަހައްޓާފައި ވެއެވެ.
މި ފައިސާއާ ހަވާލުވެވަޑައިގަތީ ޕާކިސްތާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ވައިސް އެޑްމިރަލް އާތަރް މުހްތާރްއެވެ.
ފަންޑު ފޮށިތަކާއި ދިރާގު ޕޭ އަދި އުރީދޫ އެމްފައިސާގެ އިތުރުން އެކި އިދާރާތަކުން ހަދިޔާކުރި ފައިސާއާއެކު، އެ ހަރަކާތުން 3.8 މިލިއަން ރުފިޔާ ލިބުނު ކަމަށް ޕާކިސްތާނު މޯލްޑިވްސް ފްރެންޑްޝިޕް އެސޯސިއޭޝަނުން ވަނީ ބުނެފައެވެ.
ޕާކިސްތާނަށް ކުރި ދިގުލީ ވިއްސާރަައިގައި ބޮޑުވި ފެންގަނޑު ހިންދާލަން 6 މަސް ވަރު ނަގާނެ ކަމަށް އޮފިޝަލުން ލަފާ ކޮށްފައި ވާއިރު އެތައް ހާސް ގެއަކާއި ރެލްވޭ ތަކާއި ބްރިގްތަކާއި މަގުތަކާއި އެއްގަމު އުނދަދު ފަހަރުގެ އިތުރުން ނައަމްސޫއްޕާއި ދަނޑުބިންތައް ވެސް ވަނީ ހަލާކުވެ ސުންނާފަތި ވެފައެވެ.
ޕާކިސްތާނަށް ކުރި ވިއްސާރައިގައި ހާލުގައި ޖެހުނު މީހުންގެ އަދަދު 33 މިލިއަން ފަހަނައަޅާ ގޮސްފައި ވާ އިރު މަރުވި މީހުންގެ އަދަދު ވަނީ 1700 މައްޗަށް އަރާފައެވެ.
