14 އަހަރު ކުއްޖަކަށް ޖިންސީ ގޯނާ ކޮށްގެން ހައްޔަރުކުރި މީހަކު ޝަރީއަތް ނިމެންދެން ބަންދު ކޮށްފިއެވެ.
ފުލުހުން ބުނީ ސައުތު ސެންޓްރަލް ޕޮލިސް ރީޖަންގައި ހިމެނޭ މ، ފ، ދ، ތ، ކ، ލ ގެ ރަށެއްގައި 14 އަހަރުގެ ފިރިހެން ކުއްޖަކަށް ޖިންސީ ގޯނާ ކޮށްފައިވާ މައްސަލައެއް މި މަހުގެ 5 ވަނަ ދުވަހު ފުލުހުންނަށް ރިޕޯޓް ކޮށްފައިވާ ކަމަށެވެ.
މި މައްސަލައާ ގުޅިގެން 49 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން މި މަހު 6 ވަނަ ދުވަހު ހައްޔަރު ކޮށްފައި ވާ ކަމަށާއި އޭނާގެ ބަންދާމެދު ގޮތެއް ނިންމުމަށް އިއްޔެ ކޯޓަށް ހާޒިރު ކުރުމުން ޝަރީއަތް ނިމެންދެން ބަންދު ކޮށްފައިވާ ކަމަށް ފުލުހުން ބުނެއެވެ.
އެނގިފައިވާ ގޮތުގައި މި ހާދިސާ ހިނގާފައި ވަނީ ތ އަތޮޅުގެ ރަށެއްގައެވެ. އަދި މި މައްސަލާގައި ހައްޔަރު ކޮށްފައިވާ މީހާއަކީ މީގެ ކުރިންވެސް މިފަދަ މައްސަލައެއްގައި ބަންދު ކޮށްފައިވާ މީހެއް ކަމަށް މައުލޫމާތު ވަނީ ލިބިފައެވެ.
