ގދ. ނަޑެއްލާ ކައިރިން ބޯޓެއް ފަރަށް އަރައިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ، ނަޑެއްލާ ކައިރިން ބޯޓެއް ފަރަށް އަރައިގެން އުޅޭ ކަމުގެ މައުލޫމާތު ރޭ އިރުއޮއްސި 6:21 ގައި ރިޕޯޓްކޮށްފައިވާ ކަަމަށެވެ. ފަރަށް އެރި އިރު އެ ބޯޓުގައި ދިހަ ފަޅުވެރިން ތިބި ކަމަށާއި އެމީހުންނަކީ ޕާކިސްތާނަށް ނިސްބަތްވާ ބައެއް ކަމަށް އެމްއެންޑީއެފުން ބުނެއެވެ.
މި ވަގުތު އެމީހުން ތިބީ ނަޑެއްލާގައި ކަމަށާއި އެމީހުންގެ ހާލު ރަނގަޅު ކަމަށް އެމްއެންޑީއެފުން ބުނެއެވެ.
އަދި މިހާރު އެ ބޯޓު ފަރަށް އަރާފައި އޮތް ސަރަހައްދުގައި ފުލުހުންނާއި އެމްއެންޑިއެފުން އަންނަނީ ހަރަކާތްތެރިވަމުން ކަމަށް އެމްއެންޑީއެފުން ބުނެއެވެ.
