ރާއްޖޭގެ ހާއްސަ އިގްތިސާދީ ސަރަހައްދުގައި ގަވާއިދާ ހިލާފަށް މަސްވެރިކަން ކުރަން އުޅުނު ބޭރުގެ މަސް ބޯޓެއް އަތުލައިގަންފިއެވެ.

އެމްއެންޑީއެފުން ބުނީ، މި ބޯޓު ފެނިގެން ރިޕޯޓުކޮށްފައި ވަނީ ތ. މަޑިފުށީގެ އިރުމަތިން 17 މޭލު ބޭރުން ކަމަށެވެ.

ގަވައިދާ ހިލާފަށް މަސްވެރިކަން ކުރަމުން ދިޔަ މި ލަންކާ ގެ މަސްބޯޓު ފެނުމުން ހިފަހައްޓާ، އެމްއެންޑީއެފަށް ރިޕޯޓުކޮށްފައި ވަނީ އދ. މަހިބަދޫ އަސުރުމާ2 ދޯނި އަދި ތ. މަޑިފުށި ގޮދާ ދޯނިން ކަމަށް އެމްއެންޑީއެފުން ބުނެއެވެ.

ރާއްޖެ އަކީ ކަނޑުގެ ސަރަހައްދު ބޮޑު ގައުމަކަށް ވެފައި ރާއްޖޭގެ ކަނޑުގެ ސަރަހައްދުން ގަވާއިދާ ހިލާފަސް މަސްވެރިކަން ކުރަން ދޭތެރެ ދޭތެރެއިން އުޅަނދުތައް ވަދެއެވެ.

އާންމުކޮށް ރާއްޖޭގެ ކަނޑުގެ ސަރަހައްދަށް ވަންނަ މި ބާވަތުގެ އުޅަނދުތައް އިތުރަށް ބަލާ ފާސް ކުރާ އިރު މަސްތުވާތަކެތި ފެންނަ ނިސްބަތްވެސް މަދެއް ނޫނެވެ.

ދާދި ފަހުން ފިިޝަރީޒް މިނިސްޓްރީގެ ހުއްދަ ހޯދުމެއް ނެތި ރާއްޖޭގެ ކަނޑުގައި ގަވައިދާ ހިލާފަށް މަސްވެރިކަން ކުރާ ބޭރު ގައުމުތަކުގެ އުޅަނދުފަހަރު ދެ މިލިއަން ރުފިޔާ އާއި 40 މިލިއަން ރުފިޔާ އާ ދެމެދު ޖޫރިމަނާކުރާ ގޮތަށް، މަސްވެރިކަން ކުރުން ހުއްޓުވުމާ ގުޅޭ ގަވައިދެއް ވެސް ވަނީ ތަސްދީގު ކޮށްފައެވެ.

https://thepress.mv/137393

ބޭރުގެ މަސް އުޅަނދުފަހަރު ރާއްޖޭގެ ސަރަހައްދަށް ވަދެ، ހުރަސްކުރެވޭނީ މިނިސްޓްރީގެ ހުއްދަ އާއި އެކުގައި ކަމަށާއި، ހުއްދަ އާއި ނުލާ އެތެރެވާ އުޅަނދުފަހަރު ޗެކްކުރުމުގެ ބާރު ކަމާބެހޭ ފަރާތްތަކަށް ލިބިގެންވާ ކަމަށް ވެސް އެ ގަވައިދުގައިވެއެވެ.

ހަބަރު އެމްއެންޑީއެފް