އެއްޖިންސިން ގުޅުން ހިންގި މައްސަލާގައި އިތުރު ތިން މީހަކު ހައްޔަރު ކޮށްފިއެވެ.
ފުލުހުން ބުނީ އެއްޖިންސުން ގުޅުން ހިންގި މައްސަލަތަކާ ގުޅިގެން އިތުރު 3 މީހަކު ކޯޓު އަމުރެއްގެ ދަށުން އިއްޔެ ހައްޔަރު ކޮށްފައިވާ ކަމަށެވެ.
ހައްޔަރުކޮށްފައި ވަނީ އުމުރުން 44 އަހަރުގެ މީހަކާއި، 47 އަހަރުގެ މީހަކު އަދި 50 އަހަރުގެ މީހެއް ކަމަށް ފުލުހުން ބުނެއެވެ.
ހައްޔަރުކޮށްފައި ވާ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 44 އަހަރު އަހަރުގެ މީހާއަށް 10 ދުވަސް، 47 އަހަރުގެ މީހާއަށް 10 ދުވަސް އަދި 50 އަހަރުގެ މީހާއަށް 10 ދުވަސް ދީފައިވާ ކަމަށް ފުލުހުން ވަނީ ބުނެފައެވެ.
އެއްޖިންސުން ގުޅުން ހިންގި މައްސަލަތަކާ ގުޅިގެން މިމަހު 6 ވަނަ ދުވަހު ވެސް ވަނީ 3 މީހުން ހައްޔަރު ކޮށްފައެވެ.
އެދުވަހު ހައްޔަރު ކޮށްފައި ވަނީ 45 އަހަރުގެ މީހަކާއި 47 އަހަރުގެ މީހަކު އަދި 49 އަހަރުގެ މީހެކެވެ.
ހައްޔަރުކޮށްފައި ވާ މި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 45 އަހަރު އަހަރުގެ މީހާއަށް 5 ދުވަސް، 47 އަހަރުގެ މީހާއަށް 14 ދުވަސް އަދި 49 އަހަރުގެ މީހާއަށް 14 ދުވަސް ވަނީ ދީފައެވެ.
މިހާރު ފުލުހުނަގެ ބެލުމުގެ ދަށުގައި 6 މީހުން ތިބި އިރު އެމީހުންގެ ވަނަވަރެއް ނޭނގެއެވެ.
މި މުޑުދާރު ޢަމަލު ހިންގި މީހުން އެނގެން ބޭނުން. ކީއްވެ ސިއްރު ކުރަންވީ.
ކާނަލް އާ ނާޒިމްގެ ވާހަކަ ޖަހާލިހެން މިމީހުންގެ ނަން ޖަހާލާކަށް ނުކެރުނުދޯ.