ޖެޓް ފިއުލް ވިއްކުން ކޮންޓްރޯލް ކުރި ނަމަވެސް ފްލައިޓް ދަތުރުތަކަށް ބުރޫނާރާނެ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްޕީއެލް) އިން ބުނެފިއެވެ.
އެމްއޭސީއެލްއިން މިހެން ބުނީ އެމްއޭސީއެލް އާއި އެސްޓީއޯ ގުޅިގެން މިއަދު ބޭއްވި ނޫސްވެރިންގެ ބައްދަލުވުމުގައެވެ.
ޖެމި ބައްދަލުވުމުގައި ވާހަކަ ދައްކަވަމުން އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު އިބްރާހީމް ޠާހާ ވިދާޅުވީ އެކުންފުނީގެ ފިއުލް ކެޕޭސިޓީއަކީ 13 މިލިއަން ލީޓަރުގެ ކެޕޭސިޓީއެއް ކަމަށާއި، މިދުވަސްކޮޅު ފްލައިޓްތައް އިތުރުވެފައިވާތީ އިތުރަށް ތެޔޮ ބޭނުންވާ ކަމަށެވެ.
އެހެންނަމަވެސް ތެލުގެ ޝިޕްމަންޓް ލިބެންދެން މެނޭޖްކުރެވޭނެ ކަމަށް އޭނާ ވަނީ ވިދާޅުވެފައެވެ.
އެހެންނަމަވެސް މި މަހުގެ 14 ވަނަ ދުވަހު ބޯޓް ވަންނާނެ ކަމަށް ލަފާކުރެވޭ ކަމަށާއި ބޯޓު އައުމާއެކު ކުރިއެކޭ އެއްގޮތަށް ތެޔޮ ވިއްކޭނެ ކަމަށް ޠާހާ ވިދާޅުވިއެވެ.
މި ބައްދަލުވުމުގައި ވާހަކަ ދައްކަވަމުން އެސްޓީއޯގެ މެނޭޖިން ޑިރެކްޓަރު ހުސެއިން އަމްރު ވިދާޅުވީ، ތެޔޮ ލޯޑް ކުރުމަކީވެސް ވަރަށް ގިނަ ވަގުތުތައް އެކަމަށް ހޭދަވާ ކަމެއް ކަމަށެވެ. އަދި އެއްމަސް ކުރިން އެކަން ކުރުމަށް އަންގަން ޖެހޭނެ ކަމަށާއި މިކަމަށް ދިމާވާ ދަތިތަކާއިހުރެ ޑިލޭތަކެއް ހުރި ނަމަވެސް އެއީ މައްސަލައެއް ނޫންކަމަށް ވެސް އަމްރު ވިދާޅުވިއެވެ. އެއީ މީގެ ކުރިންވެސް ދިމާވާ ކަމެއްކަމަށް އަމްރު ފާހަގަކުރެއްވިއެވެ.
ތެލުގެ އަގަށް ބަދަލު އަންނަނ ފަށާފައިވަނީ ޔޫކްރެއިން އާއި ރަޝިއާ ދެމެދު އުފެދިފައިވާ ހަމަނުޖެހުމާ އެކުގައެވެ. މިއާ އެކު މުޅި ދުހނިޔޭގެ ތެލުގެ ބާޒާރަށް ވަނީ ވަރަށް ބޮޑަށް އަސަރުކޮށްފައެވެ. ތެޔޮ އަގު ބޮޑުވަމުން އަންނަ އިރު ދުނިޔޭގެ އިގްތިސޯދަށް ވެސް ވަރަށް ބޮޑު ނޭދެވޭ އަސަރެއް ކުރާއިރު މި ވަގުތު ރާއްޖޭގެ ތެލުގެ އަގުގެ އިތުރުން ތަކެތީގެ އަގު ވެސް އަންނަނި އުފުލެމުންނެވެ
