ބޭނުންފުޅުވެ ވަޑައިގަންނަވަނީ އެއްވެސް ސަރުކާރަކުން ހިޔާނަތްތެރި ނުވުން ކަމަށް އެމްޑީޕީގެ ރައީސް މުހައްމަދު ނަޝީދު، ވިދާޅުވެއްޖެއެވެ.
ނަޝީދު، އެމްޑީޕީގެ ވަޓްސްއަޕް ގްރޫޕަކަށް ފޮނުއްވި މެސެޖެއްގައި އެޕާޓީއަށް މިވަގުތު އެންމެ ރަނގަޅު ގޮތަކީ "ފެތެމުންދާ" ސަރުކާރާ ފެޔަށް ޖެހި، ސަރުކާރާ އެކީ "ނުފެތުން" ކަމަށް ވަނީ ވިދާޅުވެފައެވެ.
އެކަމާ ގުޅިގެން ގިނަ ބައެއްގެ ފާޑުކިޔުން ނަޝީދަށް އަމާޒުވެފައިވާ ދަނޑިވަޅެއްގައި ނަޝީދު މިއަދު ވިދާޅުވީ، އެމްޑީޕީ އާއި އެމަނިކުފާނުވެސް އަވަދުވެސް ބޭނުންވަނީ ވަރަށް އާދައިގެ ކަމެއް ކަމަށެވެ. އެއީ އެއްވެސް ސަރުކާރަކުން ހިޔާނަތްތެރި ނުވުމާއި އެކަކާއި އަނެކަކު ތަފާތު ނުކުރުމުގެ އިތުރުން އަނިޔާ ނުކުރުން ކަމަށް ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ އެމްއެމްޕީއާރްސީ އާއި ވެންޓިލޭޓަރުގެ މައްސަލަ ބެލުމަކީ އިތުބާރު ލިބޭނެ ކަންކަން ކަމަށެވެ.
ސައުކާރަށް ފާޑުވިދާޅުވަމުން ނަޝީދު މީގެ ކުރިން ވިދާޅުވެފައި ވަނީ، މި ސަރުކާރަކީ އެމްޑީޕީގެ ހަމައެކަނި ސަރުކާރެއް ނޫން ކަމަށާއި، މި ސަރުކާރުގައި އެހެން ޕާޓީތައްވެސް ހިމެނޭތީ، އެމްޑީޕީގެ މެންބަރުން އެދޭ ކަންކަން ހާސިލް ކޮށްދިނުމަށް ސަރުކާރު ނުކުޅެދިފައިވާ ކަމަށާއި، އަދި ޕާޓީން ވެފައިވާ ވައުދުތައް ފުއްދުމަށްވެސް ހުރަސް އެޅިފައިވާ ކަމަށެވެ.
"މިވަގުތު މި ޕާޓީ (އެމްޑީޕީ) އަށް ރަނގަޅު ގޮތަކީ ފެތެމުންދާ ސަރުކާރާ އެކީ މި ޕާޓީ ނުފެތުން." އެމްޑީ÷ީ ގައުމީ މަޖިލީސް ވަޓްސްއެޕް ގްރޫޕަށް ނަޝީދު ފޮނުއްވި މެސެޖުގައި ވެއެވެ.
