މި އަހަރު ބާއްވަން ހަމަޖެހިފައިވާ ފީފާ ވޯލްޑް ކަޕް 2022 ގެ އޮފިޝަލް ގްލޯބަލް ކަނެކްޓިވިޓީ ސާވިސަސް ޕްރޮވައިޑަރަކަށް އުރީދޫ ހަމަޖައްސައިފިއެވެ.
މިއަހަރު ބާއްވާ ފީފާ ވޯލްޑްކަޕް ބާއްވަން ހަމަޖެހިފައި ވަނީ ގަތަރުގައެވެ.
އުރީދޫ އިން ބުނީ، ފީފާ ވޯލްކަޕް އާ ދިމާކޮށް ޔޫރަޕުގެ ލަންޑަން އަދި ފްރެންކްފާޓުން އޭޝިއާގެ ސިންގަޕޫރު ފަދަ ގައުމުތަކުގައި ހުންނަ ތަފާތު ޕޮއިންޓްތަކާއި ދޯހާ ގުޅުވައިދޭ ގްލޯބަލް ނެޓްވޯކެއް ފޯރުކޮށްދިނުމަށް ފީފާ އާއި ސުޕްރީމް ކޮމިޓީ ފޯ ޑެލިވަރީ އެންޑް ލެގަސީ އިން އެ ކުންފުނި ހޮވާފައިވާ ކަމަށެވެ. މި މަސައްކަތުގެ ދަށުން، އުރީދޫ އިން ދަނީ ބްރޯޑްކާސްޓް ގްރޭޑްގެ ވީޑިއޯ ޕްރޮޑަކްޝަން އަދި ޑިސްޓްރިބިއުޝަން އަށް ބޭނުންވާ ކޮލިޓީ އާއި ރެސިލިއަންސް ބްރޯޑްކާސްޓަރުންނަށް ފޯރުކޮށްދޭ މަލްޓި-100ގިގް އިންޓަނޭޝަނަލް ނެޓްވޯކެއް ބިނާކުރުމަށް މަސައްކަތް ކުރަމުން ކަމަށް އުރީދޫން ބުނެއެވެ.
އުރީދޫއިން ބުނީ، މި މުބާރާތުގެ ހުރިހާ ލަނޑުދަނޑިތަކާއި، އެކްޝަންތަކާއި، ޖަޒުބާތުތައް ދުނިޔޭގެ އެކި ކަންކޮޅުތަކުގައި ތިބި އެތައް މިލިއަން ބެލުންތެރިންނަށް ތަޖުރިބާކުރެވޭނެ ފަދަ ނެޓްވޯކެއް ބްރޯޑްކާސްޓަރުންނަށް ފޯރުކޮށްދިނުމަށް ވަރަށް ބޮޑު އަހައްމިއްޔަތުކަމެއް ދޭނެ ކަމަށެވެ. އުރީދޫގެ ނޭޝަންވައިޑް ފައިބާ އެންޑް ގްރައުންޑް ބްރޭކިން 5ޖީ މޮބައިލް ނެޓްވޯކާއެކު، ބްރޯޑްކާސްޓަރުންނާއި ހިދުމަތް ފޯރުކޮށްދޭ ފަރާތްތަކުން ކަނެކްޓިވިޓީ އަށް ބޭނުންވާ އެއްސްޓޮޕް ޝޮޕަކަށް އުރީދޫ ވާނެ ކަމަށް ވެސް އެ ކުންފުނިން ބުނެއެވެ.
މި މުހިންމު ހަރަކާތަށް ގަތަރުގެ މީޑިއާ ރައިޓްސް ލައިސަންސް ދޫކޮށްފައިވާ ހުރިހާ ފަރާތްތަކަށް ދުނިޔޭގެ ފެންވަރުގައި ކަނެކްޓިވިޓީގެ ހިދުމަތް ފޯރުކޮށްދިނުމަށް ހަމަޖެހިފައިވާ އިރު، ދުނިޔޭގެ އެކި ކަންކޮޅުތަކުގައި 50 ވަރަކަށް ބްރޯޑްކާސްޓަރުން އެ ގައުމުގެ ނެޓްވޯކާއި ގަތަރުގެ އިންޓަނޭޝަނަލް ބްރޯޑްކާސްޓިން ސެންޓަރާ ގުޅުވާލަދީ، ލައިވް ވީޑިއޯ ފީޑް އަދި ޑޭޓާ ޓްރާންސްޕޯޓް ކުރުމަށް ގަތަރުގައި ހުންނަ އިންޓަނޭޝަނަލް ބްރޯޑްކާސްޓިން ސެންޓަރާ ގުޅުވާލަދޭނެއެވެ.
ބްރޯޑްކާސްޓަރުންނަށް ވާދަވެރި ކަމެއް ނެތް، ދުނިޔޭގެ ފެންވަރުގެ ތަޖުރިބާއެއް ފޯރުކޮށްދެވޭ ކަން ކަށަވަރުކުރުމަށްޓަކައި، އުރީދޫ އިން ބޮޑެތި ކުޅިވަރު މުބާރާތްތައް މެނޭޖް ކުރުމުގައި ލިބިފައިވާ ތަޖުރިބާގެ ބޭނުން އެންމެ ފުރިހަމަ ގޮތުގައި އަންނަނީ ހިފަމުންނެވެ. އެގޮތުން މީޑިއާ ސިސްޓަމް އިންޓެގްރޭޓަރުންނާއި ދުނިޔޭގެ ފެންވަރުގައި ހިދުމަތްދޭ ފަރާތްތަކާއެކު އޮންނަ ހަރުދަނާ މަސައްކަތު ގުޅުންތަކުގެ ބޭނުން އުރީދޫއިން ކުރާނެ ކަމަށް ބުނެއެވެ. އަދި ކަނެކްޓިވިޓީ އާއި ބްރޯޑްކާސްޓިން އަށް އެހީތެރިވުމުގެ ގޮތުން އެ ކުންފުނީގެ ރެސިލިއަންޓް ގްލޯބަލް ހައި ކެޕޭސިޓީ ނެޓްވޯކް ގެ ބޭނުން ހިފާނެ ކަމަށް ވެސް އެ ކުންފުނިން ބުނެއެވެ.
