އިލެކްޝަންސް ކޮމިޝަން (އީސީ) ގެ ރައީސް ކަމަށް ފުއާދު ތައުފީގް އަނެއްކާ ވެސް އިންތިހާބު ކޮށްފިއެވެ.
އީސީން ކުރި ޓްވީޓެއްގައި ބުނީ އެ ކޮމިޝަންގެ ރައީސް ކަމަށް ފުއާދު އިންތިހާބު ކުރީ އެ ކޮމިޝަންގައި ދެން ތިބި ހަތަރު މެންބަރުންގެ ވެސް ތާއީދުން ކަމަށެވެ.
ފުއާދު ވަނީ 2008 އިން 2009އަށް އިލެކްޝަންސް ކޮމިޝަނުގެ މެންބަރުކަމުގެ މަގާމު ފުރުއްވާފައެވެ.
އަދި 2014 ވަނަ އަހަރުގެ މާޗު މަހާ ހަމައަށް ފުއާދު ހުންނެވީ އެކޮމިޝަނުގެ ރައީސްގެ މަގާމުގައެވެ.
އީސީގެ ރައީސްކަމުގެ މަގާމު ހުސްވީ އެ މަގާމު ފުރުއްވަމުން ގެންދެވި އަހްމަދު ޝަރީފް އިސްތިއުފާ ދެއްވުމާ ގުޅިގެންނެވެ.
