ދައުލަތުން ބަލަހައްޓާ ކުދިން ތިބޭ ތަންތަނުގައި ހިނގާ ކަންކަމުގެ ހަގީގަތް ހޯދުމަށް ރައްޔިތުންގެ މަޖިލީހުގެ މަތިވެރީ ދާއިރާގެ މެމްބަރު ހަސަން ޒަރީރު މައްސަލައެއް މަޖިލީހަށް ހުށަހަޅުއްވައިފިއެވެ.
މި މައްސަލަ ހުށައެޅިއިރު ރޭ ވެސް ހުޅުމާލޭ ފިޔަވަތީގައި ކުދިންތަކަކަށް އަނިޔާކުރި ކަމުގެ ތުހުމަތުތަކެއް ވަނީ ކޮށްފައެވެ. އެހެންނަމަވެސް ޖެންޑާ އިން ވަނީ އެކަން ދޮގުކޮށް، އެތާތިބި އެއްވެސް ކުއްޖަކަށް އަނިޔާ ނުވާ ކަމަށް ބުނެފައެވެ. ފިޔަވަތިން ކުދިން ރޯއަޑު އިވިގެން އެތަނަށް މީހުން އެއްވެފައިވާތީ އެތަނުގައި ހިނގާ ކަންތައްތަކުގެ ހަގީގަތް ބަލައިދިނުމަށް ޒަރީރު ހުށަހެޅުއްވި މި މައްސަލަ މިހާރު ވަނީ މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީ އަށް ފޮނުވައިފައެވެ.
މެމްބަރު ޒަރީރު ހުށަހެޅުއްވި މައްސަލާގައި، ވިލިނގިލީގައި ހުންނަ ކުޑަކުދިންގެ ހިޔާގައި އަލިފާނުގެ ހާދިސާތައް ހިނގުމާއި ކުދިން ރަނގަޅަށް ނުބެލެހެއްޓޭތީ އެ ކުދިން ފިލާކަމުގެ ޝަކުވާތައް ވެސް ހިމެނެއެވެ.
ރޭގެ ހާދިސާއާ ގުޅޭ ގޮތުން ޖެންޑާ އިން ބުނީ ދައުލަތުގެ ބެލުމުގެ ދަށުގައިވާ ކުދިންނަކީ އެކުދިންގެ ދިރުއުޅުމުގެ މަރުލާތަކުގައި އެކިކަހަލަ އަނިޔާލިބި، މުޅި ދިރިއުޅުމަށް ދެމިގެންދާފަދަ ކަންކަން ދިމާވެފައިވާ ކުދިން ކަމަށެވެ.
