ރައްޔިތުންގެ މަޖިލީހުގެ ޖަލްސާގެ ނިޒާމު ގެއްލި، ބަހުސް ކުރިއަށް ނުގެންދެވުމުން ރިޔާސަަތު ބަލަހައްޓަވާ މެންބަރު ހަސަން އަފީފަށް މިއަދު އެމްޑީޕީގެ މެންބަރުން، ފާޑުވިދާޅުވެއްޖެއެވެ.
މިއަދުގެ މަޖިލީހުގެ ޖަލްސާގައި އިދިކޮޅު މެންބަރުން މަޖިލީހުގައި އިހުތިޖާޖުކޮށް އަޑުގަދަ ކުރިއިރު އެމްޑީޕީގެ މެންބަރުން ވަނީ ތަކުރާރުކޮށް ނިޒާމީ ނުކުތާ ނަގާ އެ މެންބަރުންނަށް ފިޔަވަޅު އަޅާ މަޖިލީހުގެ ޖަލްސާ ކުރިއަށް ގެންދެވޭނެ ގޮތެއް ހެދުމަށް ގޮވާލައްވާފައެވެ. އެގޮތުން ޖަލްސާ ކުރިއަށް ގެންދަވަން އިދިކޮޅު މެންބަރުންގެ ނަން އިއްވަން ވެސް ގޮވާލެއްވިއެވެ.
ނަމަވެސް އަފީފް އެއްވެސް މެންބަރެއްގެ ނަން އިއްވާފައި ނުވާތީ އަފީފް އިދިކޮޅު އިހްތިޖާޖަޖަށް އެއްބާރުލުން ދޭކަމަށް ވަނީ ތުހުމަތު ކުރައްވާފައެވެ.
އިދިކޮޅު މެންބަރުންގެ އިހުތިޖާޖާ ގުޅިގެން މިއަދުގެ މަޖިލިސް މެދު ކަނޑާލާފައެވެ.
އިދިކޮޅު މެންބަރުން އިހުތިޖާޖް ކުރަމުން އަންނަނީ ކުރީގެ ރައީސް އަބްދުﷲ ޔާމީންގެ މައްސަލަ ބެއްލެވި ފަނޑިޔާރުންގެ އޯޑިއޯތަކެއް ލީކް ވެފައިވާތީއެވެ.
