ކ. ތުލުސްދޫގައި ހުންނަ ކަސްޓަމްސް އޮފީސް ބަންދު ކޮށްފިއެވެ.
ކަސްޓްމަސް އިން ބުނީ ތުލުސްދޫގައި ހިދުމަތް ދޭން ހުޅުވި އޮފީސް ބަންދު ކުރީ ވޭތުވެ ދިޔަ 7 އަހަރު އެ އޮފީހުން ހިދުމަތެއް ހޯދާފައި ނުވުމުގެ ސަބަބުން ކަމަށެވެ. އަދި މާލޭގެ ބަނދަރުތައް ކަމުގައި މާލޭ ކޮމާޝަލް ހާބަރައި ވެލާނާ އެއާޕޯޓުގައި ދެމުންދާ ކަސްޓަމްސްގެ ހިދުމަތްތައް އިންތިހާއަށް ފުޅާވުމުން ތުލުސްދޫގެ އޮފީހުގެ ބޭނުމެއް ނުޖެހޭ ކަމަށެވެ.
ތުލުސްދޫގައި ކަސްޓަމުން އޮފީހެއް ހުޅުވީ، ހިކި ކަނޑުމަސް ރައްކާކުރުމާއި ބަންދުކޮށް ރާއްޖެއިން ބޭރުކުރުމުގެ މަސައްކަތް ފުޅާދާއިރާއެއްގައި ގިނަ ފަރާތްތަކުން އޭރު ކުރަމުން ދިއުމާ ގުޅިގެން މަސް އެކްސްޕޯޓް ކުރާ ފަރާތްތަކަށް ކަސްޓަމްސްގެ ހިދުމަތް ލުއިފަސޭހަކޮށް ފޯރުކޮށްދިނުމަށެވެ.
ނަމަވެސް، ވޭތުވެދިޔަ 7 އަހަރުގެ ތެރޭގައި އެ އޮފީހުގެ ހިދުމަތް މުދާ އެކްސްޕޯޓް ކުރާ ފަރާތްތަކުން އެއްގޮތަކަށްވެސް ހޯދާފައި ނުވާ ކަމަށް ކަސްޓަމުން ބުނެއެވެ. އަދި ތުލުސްދޫ ކަސްޓަމްސްގައި މަސައްކަތް ކުރި މުވައްޒަފުން ކަސްޓަމްސްގެ އެހެން ސެކްޝަންތަކަށް ބަދަލުކޮށްފައިވާ ކަމަށްވެސް އެއިދާރާއިން ބުނެއެވެ.
ވަރަށް ރަގަޅު ނިންމުމެކޭ ނުބުނެވޭނެ.ނަމަވެސް ރައްޔިތުންގެ ފައިސާއިން ބޭކާރު ގުތުގައި ހޭދަކުރުމަށް ވުރެ ރަނގަޅު ގޮތެއް ތިޔައީ. ޢެއްވެސް މީހަކު ހިދުމަތެއްނުހޯދާ.މުވައްޒަފުން ހަމައެކަނި ސޮއި ކޮށްލުމަށް ފަހު ގޭގަ އާއި ކެފޭތަކުގައި ތިބެގެން މުސާތަ ނެގުމަށްވުރެ ތިގޮތް މާރަގަޅުކަމަށް ފެނޭ
ކިތައް އާއިލާ ބިކަކުރީތި، ކޮންތާކަށް ކޮންޝެކުސަނަކަށް ލާނީ މުޅީންވެސް ހަދަނީ ދޮގު، ރައިއްޔަތަކަށް ކުލުނެއް އަގަލެއް ހުރި މީހަކު މި ސަރުކާރުގެ ރައީސުން ފެށިގެން އެއްމެ ކުދަ މީހާގެ ވެސް ނެތް، މާތްﷲގެ ވާގިފުޅުން މި ވެރިކަން ނިމުމަކަށް ގެންނަވާށި، އާމީން.
ނުބުނެވުނު.