ހޯމް މިނިސްޓަރު އިމްރާން އަބްދުﷲ ކޮވިޑް ބަލިން ރަނގަޅުވެއްޖެއެވެ. އަދި މިހާރު އިމަރާން ވަނީ އޮފީހަށް ނިކުންނަވަން ފައްޓަވާފައެވެ.
މިނިސްޓަރު އިމްރާން ކޮވިޑް-19 އަށް ޕޮޒިޓިވް ވީ މިދިޔަ މަހުގެ 29 ވަނަ ދުވަހުއެވެ. އިމްރާން ކޮވިޑަށް ޕޮޒިޓިވް ވީ ބަލީގެ އަލާމާތްތައް ފެނިގެން މިމަހުގެ 28 ވަނަ ދުވަހު ޓެސްޓް ކުރުމުންނެވެ. އިމްރާން ކޮވިޑަށް ޕޮޒިޓިވްވި އިރު އޭނާ ވަނީ ވެކްސިންގެ ދެޑޯޒް ފުރިހަމަ ކުރައްވާފައެވެ. އިމްރާން ކޮވިޑަށް ޕޮޒިޓިވް ވި ނަމަވެސް ހާލުކޮޅު ރަނގަޅު ކަމަށް މައުލޫމާތު ލިބުނެވެ.
އިމްރާން ކޮވިޑަށް ޕޮޒިޓިވް ވުމުން ރައީސް އިބްރާހިމް މުހައްމަދު ސޯލިހްގެ ކެބިނެޓުން 3 ބޭފުޅުން ކޮވިޑަށް ޕޮޒިޓިވް ވީ އެވެ. މީގެ ކުރިން ނައިބު ރައިސް ފައިސަލް ނަސީމާއި އިކޮނަމިކް މިނިސްޓަރު ފައްޔާޒް އިސްމާއިލް ވެސް ކޮވިޑަށް ޕޮޒިޓިވް ވިއެވެ.
އިމްރާން ޕޮޒިޓިވް ކަން އެނގުނު އިރު މިދިޔަ ޖުލައި 26 ވަނަ ދުވަހު އޮތް، ރައީސް ވެސް ބައިވެރިވެވަޑައިގެންނެވި ބޮޑު ރަސްމިއްޔާތުގައި އިމްރާންވެސް ބައިވެރިވެވަޑައިގަތެވެ.
