ފުވައްމުލަކު ސިޓީން ކަރަންޓު ކެނޑިއްޖެއެވެ.
ފެނަކަ ފުވައްމުލަކު ބްރާންޗުން ބުނީ ފުވައްމުލައް ސިޓީ އަށް މިވަގުތު ދިމާވެފައިވާ ކަރަންޓުގެ މައްސަލާގައި މިހާތަނަށް ފާހަގަކުރެވިފައިވާ ގޮތުން އެމައްސަލަ ދިމާވެފައި ވަނީ މައި ޓްރާންސްފޯމަރަށް ކަމަށެވެ.
އެ ފޯމަރުގެ ބަދަލުގައި ފޯމަރެއް ރަށަށް ގެނައުމުގެ މަސައްކަތް އެކުންފުނިން ކުރިޔަށް ގެންދާ ކަމަށް ފެނަކައިން ބުނެއެވެ.
އެހެންކަމުން އެމައްސަލަ ހައްލުކޮށް ކަރަންޓު ދޫކުރުމަށް 24 ގަޑި އިރަށް ވުރެ ގިނައިރު ހޭދަވާނެ ކަމަށް ލަފާކުރެވޭ ކަމަށް ފެނަކައިން ވަނީ ބުނެފައެވެ.
ފެނަކައިން ވަނީ އެކަމުގެ ސަބަބުން ދިމާވަމުން އަންނަ ދަތިތަކަށް މައާފަށް އެދިފައެވެ.
މައުލޫމާތު ލިބިފައިވާ ގޮތުގައި ރޭ ފަތިހު ފެށިގެން ފުވައްމުލަކުން ވަނީ ކަރަންޓްގެ ހިދުމަތް މެދުކެނޑު ކެނޑިފައެވެ.
