ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު، ދިވެހި ސިވިލް ސާވިސްގެ ގާނޫނު އަށް ހަވަނަ އިސްލާހު ގެނައުމުގެ ބިލު މިއަދު ތަސްދީގުކުރައްވާފިއެވެ.
އެ ބިލަކީ، މިދިޔަ އެޕްރީލް މަހުގެ 29 ވިީ ބުރާސްފަތި ދުވަހު ބޭއްވި ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ 37 ވަނަ ޖަލްސާގައި ފާސްކުރި ބިލެއް ކަމަށް ރައީސް އޮފީހުން ވަނީ ބުނެފައެވެ.
ދިވެހި ސިވިލް ސާވިސްގެ ގާނޫނަށް ގެނައި އިސްލާހުތަކުގެ ތެރޭގައި ނުކުޅެދުންތެރިކަން ހުންނަ ފަރާތްތަކަށް ވެސް ދިވެހި ސިވިލް ސާވިސްގެ ވަޒީފާތަކަށް ފުރުސަތު ލިބޭ ގޮތަށް ނިޒާމެއް ގާއިމުވެފާ އޮތުމަށް ބަޔާންކޮށްފާވެއެވެ.
ހަމަ އެއާއެކު، ދިވެހި ސިވިލް ސާވިސްގައި މަސައްކަތް ކުރުމަށް ވަޒީފާ ދޭންވާނީ އެމީހެއްގެ ތައުލީމީ ފެންވަރާ، މަސައްކަތުގެ ހުނަރާ، ގާބިލުކަމާ، ތަޖުރިބާއަށް ބެލުމަށްފަހު ކަމަށް ވެސް އެ ގާނޫނުގައި ބަޔާންކޮށްފާވެއެވެ.
އޭގެ އިތުރުން، ސިވިލް ސާވިސް ކޮމިޝަނަށް މެންބަރުން އައްޔަންކުރުމުގައި މިންތީގެ ހަމަހަމަކަން ގާއިމުކުރުމަށް އިސްކަންދިނުމަށް ބާރުއަޅާ އެކަންވެސް އެ ގާނޫނުގައި ވަނީ ބަޔާންކޮށްފައެވެ.
ރައީސް ސޯލިހު އެ ބިލު ތަސްދީގުކުރެއްވުމާ ގުޅިގެން ދިވެހި ސިވިލް ސާވިސްގެ ގާނޫނު މިއަދު ވަނީ ދިވެހި ސަރުކާރުގެ ގެޒެޓުގައި ޝާއިއު ކޮށްފައެވެ. އެ ގާނޫނަށް މިއަދުން ފެށިގެން އަމަލުކުރަން ފަށާނެއެވެ.
ތި ޤަވައިދުތަކަށް ކިތަންމެ ބަދަލެއް ގެނެވިދާނެ ސިވިލް ސަރވިސް މަގާމުތަކުގެ އިމްތިހާން އަދި އިންޓަވިއު ކަންތައްތައް ގެންދަން އެބަޖެހޭ މިނިވަން މުއައްސަސާއެއް ކަނޑައަޅަން އެހެން ނޫނީ ހަމަ ކަންހިނގާނީ ބޮޑުން ބޭނުން އުސޫލަކުން
އަދިވެސް ހަމަ އޮންނަނީ އޮފީސްތަކުގަތިބޭ ބޮޑުކޭންބޭއިން ދޭނެބަޔަކަށްދޭނީ ދެރަމީހަ މާސްޓާ ހަދާފައި ހުއްޓަސް އިއްޒަތްތެރި މީހަގެ ދަރި ޖީސިއެއް މާއްދާއިން ފާސްނުވިޔަސް މަޖިލިސް މެންބަރާ އި އޮފީހުގެ ބޮޑުމީހާ ބުނާ މީހަކަށް ދޭނީ އަހަރެމެން ދަންނަ ކުޅި އެއް ތިޔަ އި އަދި ދޮން ރީތި އަންހެން ކުއްޖެއް ވިއްޔާ ނުކިޔަވާހުއްޓަސް އޮފީހުގެ ބޮޑުން ތުން ފެހެލަދެން ވަޒީފާ ދޭނީ އެމަންޖެ އަށް މީހަގީގަތް ބަދަލެއް ނުކުރެވޭނެ އޮޅުވާ ނުލާތި މިއީ މިސަގާފަތް ފޮހެނުލެވޭނެ،
"ދިވެހި ސިވިލް ސާވިސްގައި މަސައްކަތް ކުރުމަށް ވަޒީފާ ދޭންވާނީ އެމީހެއްގެ ތައުލީމީ ފެންވަރާ، މަސައްކަތުގެ ހުނަރާ، ގާބިލުކަމާ، ތަޖުރިބާއަށް ބެލުމަށްފަހު ކަމަށް ވެސް އެ ގާނޫނުގައި ބަޔާންކޮށްފާވެއެވެ" ކުރިން އޮތީ މިކަންކަމަށް ބަލާ ގޮތަކަށް ނޫންތަ. އަހަރުމެންނަށް އެނގިފަ އޮންނަ ގޮތުން ކުރިންވެސް ބަލަނީ މިކަންކަމަށް. ލިބާސް ލައްވަން އުޅޭ މީހާއަށް ހެޔޮވަރުވާ ގޮތަށް ބައްޓަން ކޮށްގެން އިއުލާނު ކޮށްގެން ވަޒީފާ ދެނީ. ދެންވެސް ހަމަ އެގޮތް އޮންނާނެ. މަޖާކުރަން އިއްޒަތްތެރި ކުދިން ކޮށްލި ކަމެއްހެން ހީވަނީ.