ރައްޔިތުންގެ މަޖިލީހުގެ މިއަދުގެ ޖަލްސާއަށް 22 މެންބަރުން ސަލާމް ބުނެފައިވާކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާ ފައްޓަވަމުން ރައީސް ނަޝީދު ވިދާޅުވީ މިއަދުގެ ޖަލްސާ ފެއްޓުނު އިރު މަޖިލީހަށް ހާޒިރުވެ ތިއްބެވީ 22 މެންބަރުން ކަމަށެވެ.
އޭގެ އިތުރުން ސަލާމުގައި 22 މެންބަރުން ތިއްބެވި ކަމަށާއި، އެ މެންބަރުންގެ ތެރެއިން 20 މެންބަރުން ވަޑައިގެންވީ އެ މެންބަރުންގެ ދާއިރާއަށް ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ދެ މެންބަރުން ރަސްމީ ދަތުރުފުޅެއްގައި ވާކަަމަށާއި އަދި ކަރަންޓީނުގައި ތިން މެންބަރަކު ތިއްބެވި ކަމަށެވެ.
ރައްޔިތުންގެ މަޖިލީހުގެ މެންބަރުން، އެ މެންބަރުންގެ ދާއިރާއަށް ކުރައްވާ ދަތުރުތަކަކީ ރަސްމީ ދަތުރުތައް ގޮތުގައި ކަނޑައަޅާފައިވާއިރު ދަތުރުކުރެއްވުމުގެ ހުއްދައަށް އެދި ލިޔަން ޖެހެނީ މަޖިލިސް އިދާރާއަށެވެ. އެ ހުއްދަ ދޭނީ ވެސް އިދާރާއިންނެވެ.
އެ އުސޫލުގެ ދަށުން ރަސްމީ ދަތުރުތަކުގައި ދާއިރާއަށް ވަޑައިގެން ތިއްބެވީ އަލިފުށީ ދާއިރާގެ މެމްބަރު މުހައްމަދު ރަޝީދު ހުސައިނާއި ކުޅުދުއްފުށި ދެކުނު ދާއިރާގެ މެމްބަރު ޖަމްޝީދު މުހައްމަދު ކަމަށް ރައީސް ނަޝީދު ވިދާޅުވިއެވެ.
