ހާއްސަ އެހީއަށް ބޭނުންވާ ފަރާތްތަކަށް އަމާޒު ކޮށްގެން ހެދިގޮނޑުދޮށުގައި ރޭމްޕެއް ހަދަން ފަށައިފިއެވެ.
އެމްޓީސީސީން ބުނީ އެ މަޝްރޫއުގެ އަމަލީ މަސައްކަތް ފެށުމުގެ ރަސްމިއްޔާތު ބާއްވާފައި ވަނީ މިއަދު ހަވީރު ކަމަށެވެ.
ހެދިގޮނޑުދޮށުގައި ކުރިއަށްދާ ރޭމްޕް ހެދުމުގެ މަޝްރޫއަކީ އެމްޓީސީސީގެ އިޖުތިމާއީ ޒިންމާގެ ދަށުން ކުރިއަށް ގެންދާ މަޝްރޫއެކެވެ. އަދި އެ މަޝްރޫއަކީ ޕްލޭނިންގް މިނިސްޓްރީއާއި، ޔޫތް މިނިސްޓްރީ އާއި މާލޭ ސިޓީ ކައުންސިލާއި އެމްއޭޕީޑީއާ ގުޅިގެން ކުރިއަށް ގެންދާ މަޝްރޫއެކެވެ.
އެ މަޝްރޫއުގެ ދަށުން، 24.48 އަކަ މީޓަރުގެ ވޯކްވޭއަކާއި ރޭމްޕެއް ހެދުމާއި، ޗޭންޖިންގް ހޮއިސްޓެއް ހެދުމާއި، ޝޭޑިންގް ހަޓެއް ހެދުމުގެ މަސައްކަތް ހިމެނެއެވެ.
އެ ރަސްމިއްޔާތުގައި މިނިސްޓާ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވާމަންޓް އަހުމަދު މަހުލޫފާއި އެމްޓީސީސީގެ ސީއީއޯ އާދަމް އާޒިމާއި މާލެ ސިޓީ ކައުންސިލްގެ މަންދޫބުން ބައިވެރިވެވަޑައިގަތެވެ. އަދި ހިލޭ ސާބަހަށް މަސައްކަތް ކުރާ ޖަމިއްޔާއެއް ކަމަށްވާ މޯލްޑިވްސް އެސޯސިއޭޝަން ފޯ ޕާސަންސް ވިތް ޑިސްއެބިލިޓީސް (އެމްއޭޕީޑީ)ގެ ޗެއާޕާސަން އަހުމަދު މުހައްމަދާއި އެޖަމިއްޔާގެ މެންބަރުންވެސް ބައިވެރިވިއެވެ.
