މިއަދު އިރުއޮއްސި 6:00 އާ ހަމައަށް ރާއްޖެއިން 145 މީހަކު ކޮވިޑަށް ޕޮޒިޓިވް ވެފައިވާ ކަމަށް ރިޕޯޓް ކޮށްފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ދާދި ދެންމެ އަކު އިއުލާން ކުރި ކޮވިޑް ކޭސްގެ ތަފާސް ހިސާބުތައް ދައްކާ ގޮތުގައި މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 89 މީހަކާއި، އަތޮޅު ތެރެއިން މީހުން ދިރިއުޅޭ ރަށްރަށުން 22 މީހަކާއި ހިންގަމުންދާ ރިސޯޓަކުން 32 މީހެއްގެ އިތުރުން ލިވަބޯޑުން ޕޮޒިޓިވްވި ދެ މީހެކެވެ.
މިއަދު ޕޮޒިޓިވް ވި މީހުންނާ އެކު ރާއްޖެއިން މި ބައްޔަށް ޕޮޒިޓިވް ވި މީހުންގެ ޖުމްލަ އަދަދު މި ވަނީ 18،612 އަށް އަރާފައެވެ. މިއަދު 96 މީހަކު ރަނގަޅުވެފައި ވާއިރު ބަލިން ރަނގަޅުވި ޖުމްލަ މީހުންގެ އަދަދު ވަނީ 16،061 އަށް އަރާފައެވެ. އެހެންކަމުން މި ވަގުތު މިބަލި ޖެހިފައި ތިބި މީހުންގެ އަދަދު ކަމށް ރިޕޯޓް ކޮށްފައި ވަނީ 2484 އެވެ. އަދި އެ މީހުންގެ ތެރެއިން 162 މީހަކަށް ދަނީ ހޮސްޕިޓަލުގައި ފަރުވާ ދެމުންނެވެ.
މިއަދު ކޮވިޑަށް ޕޮޒިޓިވްވި ދެ މީހަކު މަރުވެފައި ވާއިރު މިއީ މި ހިންގާ ފެބްރުއަރީ މަހު މި ބަލީގައި މަރުވި 9 ވަނަ މީހާއެވެ. މިއާއެކު ރާއްޖެއިން ކޮވިޑް ބަލީގައި މަރުވި ޖުމްލަ މީހުންގެ އަދަދު ވަނީ 60 އަށް އަރާފައެވެ. އެއީ 53 ދިވެހިންނާއި 7 ބިދޭސީންނެވެ. އެ ބިދޭސީންގެ ތެރޭގައި ހިމެނެނީ ބަންގްލަދޭޝްގެ 6 މީހަކާއި ޕިލިޕީންސް މީހެކެވެ. މަރުވި 58 މީހުންގެ އިތުރުން ކޮވިޑަށް ޕޮޒިޓިވް ވި 7 މީހަކު މަރުވެފައި ވެއެވެ. އަދި އެ 7 މީހުންނަކީ ކޮވިޑް މަރު ނޫން ކަމަށް އެޗްޕީއޭއިން ވަނީ ނިންމާފައެވެ.
މިދިޔަ އަހަރު ފަހުކޮޅު ކޮވިޑް ކޭސްތައް މަދުވެފައި ވީ ނަމަވެސް މި އަހަރު ފެށުމަށް ފަހު ކޭސްތައް އިތުރުވަމުން ދާތަން އަންނަނީ ފެންނަމުންނެވެ. މުޅި ޖެނުއަރީ މަހުގެ ތެރޭގައި ފެނުނު ޕޮޒިޓިވް ކޭސްތަކުގެ އަދަދު ވަނީ 2084 އަށް އަރާފައެވެ. ފެބްރުއަރީ މަހުގައި މިހާތަނަށް ފެނުނު ޖުމްލަ ކޭސްގެ އަދަދު ވަނީ 2733 އަށް އަރާފައެވެ. އެ ގޮތުން މި ފެބްރުއަރީ މަހުގެ އެންމެ ގިނަ ކޭސް ފެނިފައި ވަނީ މި މަހުގެ 1 ވަނަ ދުވަހެވެ. އެއީ 215 ކޭސްއެވެ.
ރާއްޖޭގައި ކޭސްތައް ގިނަ ވަމުންދާ 3 ސަރަހައްދެއް ވަނީ މޮނިޓަރިން ހާލަަތަށް ލައި ކާފިއު އިއުލާން ކޮށްފައެވެ. މާލެ ސަރަަހައްދުގެ އިތުރުން އައްޑު އަދި ފުވައްމުލައް ވެސް ވަނީ ކާފިއު އިއުލާން ކޮށްފައެވެ.
ޕޮޒިޓިވްވާ މީހުންގެ އަދަދު މަދެއް ނުވާނެ. އެޗްޕީއޭއަށް ފިޔަވަޅު އެޅެނީ މަގުމައްޗަށް ނިކުންނަ މީހުންނަށް އެކަނި. ދޮންދޫނި ޕްރީސްކޫލުގެ މެންދުރުފަހުހެ ހުރިހާ ޓީޗަރުން ކަހަލަ ގޮތަކަށް ވެކްސިން ޖެހިފަހުން އެކަކު ޕޮޒިޓިވްވެ ޓެސްޓު ކުރިއިރު މެންދުރުފަހު ސެޝަންގެ ދެތިން މީހެއް ފިޔަވާ އެންމެން ޕޮޒިޓިވްވެއްޖެ. ޕްރީސްކޫލުތަކުހެ ކިޔަވާދިނުން އެޑިއުކޭޝަނުން އޮންލައިން ކޮށް ގެންދަން އެންގުމުންވެސް ކޮންމެ ދުވަހަކު ޓީޗަރުން ނެރެމުން ދިޔައީ ތަނަކީ މުޅިތަން އޭސީކޮށް ވައި ބޭރުވާގޮތަށް ހުންނަ ތަނެއް ނޫން އެކަމަކު އެންމެން ގެންގޮސް އެތަންކޮޅުތެރޭ މާސްކުވެސް ނާޅާ ބައެއް ޓީޗަރުން ވަރަށް ފަރުވާ ކުޑަކޮށް ބޮނޑިވެ ސައިބޮއި މަސައްކަތުގައި އުޅޭއިރުވެސް މެނޭޖުމަންޓުގެ މާބޮޑު އަޅާލުމެއް ނޯވޭ ޕޮޒިޓިވްވި ޓީޗަރު އެދުވަހު ސްކޫލަށް ނިކުތްއިރުވެސް ހުރީ ހުންއައިސް މެނޭޖުމަންޓުން ޓީޗަރުންނަށް އަންގާފަ އޮންނަނީ ހުން ހުއްޓަސް ކޮވިޑުކަން ޔަގީން ނުވަންޏާ ސްކޫލަށް ނިކުންނަން ޖެހޭނެ ކަމަށް އެހެންވެ އެދުވަހުވެސް އެޓީޗަރު ހުންއައިސް ހުރެ ނިކުތީ ޓެސްޓު ހަދާ ޕޮޒިޓިވް ވުމުން ސްކޫލަށް އެވާހަކަ އެންގި. އެހެނަސް ޖެހިހެން އައިދުވަހުވެސް އެހެންޓީޗަރުން ސްކޫލަށް ނިކުންނަން މެނޭޖުމަންޓުން އެންގުމުން ޓީޗަރަކު ޕޮޒިޓިވްވެ އެންމެން ކޮންޓެކްޓް ވެފަ ތިބިކަމަށް ބުނުމުން މެނޭޖުމަންޓުގެ ޖަވާބަކަށްވީ ޕޮޒިޓިވްވި ޓީޗަރު މިހާރު އެވާހަކަ ބުނީހޭ. ޕޮޒިޓިވްވި ވާހަކަ ނުބުނަން އޭނަގާތު ބުނެފައޭ ވާނީ ސްކޫލުން މައުލޫމާތު ދީފަ ވަނީ އެއްވެސް ޕޮޒިޓިވް ވި ޓީޗަރާ އެއްވެސް އެހެން ޓީޗަރަކު ކޮންޓެކްޓު ނުވާ ކަމަށް މީގެ ކުރިންވެސް ސްކޫލުގެ މަސައްކަތު މީހަކު އެފަހަރުވެސް ސްކޫލުން މަައުލޫމާތު ދިނީ އެ މުވައްޒަފާ އެހެން އެއްވެސް މުވައްޒަފަކާ ކޮންޓެކްޓު ނުވާކަމަށް އެކަމަކު އެމުވައްޒަފު އެޗްޕީއޭ އަށް ތެދުބަހުން މައުލޫމާތު ދިނުމުން ދެފަރާތުން އެޗްޕީއޭއަށް ދިން މައުލޫމާތު ދިމާނުވެ ދޮގުހެދި ފަރާތެއް ނޭނގި ފަވަނީ. ދޮންދޫނީގެ މެނޭޖްމަންޓު ފާހަގަ ވަނީ ކަންކަމުގެ ހަގީގީ މައުލޫމާތު އެންމެނަށްވެސް ފޮރުވާ ލޯމައްޗަށް އަވާމެންދު ދައްކާ ބައެއްގެ ގޮތުގަ މިފަހަރުގެ ކޮވިޑުކޭސް ފޮރުވަން މަސައްކަތް ކުރުމުން ބައެއް ޓީޗަރުންތައް ރަތައް އަރާ މެނޭޖުމަންޓުން ބޮޑު މީޓިންއެއް ބާއްވާ ޓީޗަރުންނަށް ވަނީ ބަވާފަ. މެނޭޖުމަންޓުގެ ވައިގަ އުޅޭ ދެތިން ޓީޗަރަކު ލައްވާ ކަމުގެ ހަގީގަތް ފޮރުވަން މަސައްކަތް ކޮށްފަ ވާކަންއެނގޭ