މަސްތުވާތަކެއްޗާއެކު ހައްޔަރުކުރި ރެޕް ލަވަކިޔުންތެރިޔާ އިސްމާއިލް އިފްހާމް މުހައްމަދު (ޕެސްޓު)ގެ ބަންދަށް 15 ދުވަސް ޖަހައިފިއެވެ.
ފުލުހުންނަށް ލިބުނު އިންޓެލިޖެންސް ރިޕޯޓަކާ ގުޅިގެން ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) އިން ހިންގި އޮޕަރޭޝަނެއްގައި ހުޅުމާލެއިން 2.5 ކިލޯއަށް ވުރެ ގިނަ މަސްތުވާތަކެއްޗާ އަތުލައިގަތެވެ.
އެ މައްސަލައާ ގުޅިގެން ފަސް މީހަކު ހައްޔަރުކުރިިއިރު އޭގެ ތެރޭގައި ޕެސްޓު ވެސް ހިމެނެއެވެ،
އެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް މީހުން ވެސް ބަންދުގައި ބަހައްޓައިގެން މައްސަލަ ކުރިއަށް ގެންދަން 15 ދުވަހުގެ މުއްދަތެއް ވަނީ ޖަހާފައެވެ.
ޕެސްޓު މަޝްހޫރުވެފައި ވަނީ ރާއްޖޭގެ "ރެޕް ކިންގް" ގެ ގޮތުގައެވެ.
މަޝްހޫރު އެތައް ލަވަތަކެއް ކިޔާފައިވާ ޕެސްޓް މަޝްހޫރުކަން ހޯދީ 2011 ވަނަ އަހަރު އޭނާ ކިޔާފައިވާ "ރީތި ކުދިން" ލަވައިންނެވެ.
