ރާއްޖޭގައި ފުރަތަމަ ފަހަރަށް ބޭއްވި ވީއާރް ގޭމިން މުބާރާތް 'ވީއާރު އަލްޓިމޭޓް ކަޕް 2021' ނިންމާލައިފިއެވެ.
އުރީދޫން ބުނީ ހުރިހާ އުމުރުފުރާއަކަށްވެސް ބައިވެރިވެވޭ ގޮތަށް ކުރިއަށްގެންދިޔަ އެ މުބާރާތުގައި 250 އަށްވުރެ ގިނަ މީހުން ބައިވެރިވެފައިވާ ކަމަށެވެ.
އެ މުބާރާތުގެ ގަދަ ތިން ބައިވެރިން ހޮވާފައިވާއިރު، އެއްވަނައަށް ދިޔަ ފަރާތަށް އިނާމެއްގެ ގޮތުގައި ދީފައިވަނީ ސޮނީން އެންމެ ފަހުން ނެރުނު ޕްލޭސްޓޭޝަން 5ގެ ބްލޫރޭ އެޑިޝަން އެކެވެ. ދެވަނައަށް ދިޔަ ފަރާތަށް އޮކިއުލަސް ކުއެސްޓް 2 ވާޗުއަލް ހެޑްސެޓެއް ދީފައިވާއިރު، ތިންވަނަ ހޯދި ފަރާތަކަށް ދީފައިވަނީ 1000 ރުފިޔާގެ ވައުޗާއެކެވެ.
އެ ބައިވެރިންގެ ތެރޭގައި ހިމެނެނީ:
1. އައިމިނަތު ރައުފާ ޒަމީލު
2. އިބްރާހިމް މިއުވާން
3. މޫސާ ނަސީމް
އީޓޫއެސް ގޭމިން އާއި ވީއާރް ކެފޭއާ ގުޅިގެން އުރީދޫން "ވީއާރް ކަޕް"ގެ ނަމުގައި ވީއާރް ގޭމިން މުބާރާތެއް ފަށާފައި ވަނީ މިދިޔަ މަހުގެ 17 ވަނަ ދުވަހެވެ. އެ މުބާރާތަކީ ރާއްޖޭގެ ފުރަތަމަ ވާޗުއަލް ރިއަލިޓީ މުބާރާތުގެ އިތުރުން 5ޖީ ޓެކްނޮލޮޖީ ބޭނުންކޮށްގެން ބޭއްވި ފުރަތަމަ މުބާރާތްވެސް މެއެވެ.
