ޓެކްސް އެޕީލް ޓްރެބިއުނަލަށް 5 މީހަކަށް ރުހުން ދޭން ރައްޔިތުންގެ މަޖިލީހުން ފާސްކޮށްފިއެވެ.
ރައީސް އިބްރާޙިމް މުހައްމަދު ސޯލިހް ވަނީ ޓެކްސް އެޕީލް ޓްރެބިއުނަލަށް ކުރިމަތިލި ނުވަ މީހެއްގެ ނަން މަޖިލީހަށް ފޮނުވާފައެވެ. އަދި މަޖިލީހުގެ ޖުޑީޝަރީ ކޮމިޓީން ވަނީ އެ ނަންތައް ދިރާސާ ކުރުމަށްފަހު ފަސް މީހަކަށް ރުހުން ދޭން ފާސްކޮށްފައެވެ.
ޓެކްސް އެޕީލް ޓްރެބިއުނަލަށް އައްޔަން ކުރަން ރުހުން ދިން ފަސް މީހުންނަކީ މުހައްމަދު މުނައްވަރު އަލީ، ވެސްޓްބީޗް / އއ.މަތިވެރި އާއި ފާތިމަތު މިންޙަތު އިއްޒަތު، ގ.ގޮފި އާއި އިސްމާއީލް ސާޖިދު، މއ.ވިލާރޮދި އާއި ހުސައިން ޒައިދާން ޖަލީލު، މ.ފާމުދޭރިގެ އަދި އަހްމަދު އަޝްރަފް، ދަފްތަރު ނަންބަރު ރސ 7883 އެވެ.
ޓެކްސް އެޕީލް ޓްރެބިއުނަލް އަކީ ޓެކްސްއާއި ގުޅޭ މައްސަލަތައް ބެލުމަށް ޓެކްސް ނެގުމާބެހޭ އިދާރީ ޤާނޫނުގެ ދަށުން އުފައްދާފައިވާ މުއައްސަސާއެކެވެ.
ޓްރެބިއުނަލް އެކުލެވިގެންވާ ގޮތްޓްރައިބިއުނަލް އެކުލެވިގެންވަނީ 5 މެމްބަރުންގެ މައްޗަށެވެ. ޓްރެބިއުނަލް އަށް މެމްބަރުން އައްޔަން ކުރަނީ ރައްޔިތުން މަޖިލިހުގެ މެމްބަރުންގެ ރުހުމާއެކު ރައީސުލްޖުމްހޫރިއްޔާއެވެ.
ޓެކްސް އެޕީލްގެ މެމްބަރުކަމަށް ހުޅުވާލީ މިމަހު 28 ވަނަ ދުވަހު އެ އިދާރާގެ ފަސް މެމްބަރުންގެ ދައުރު ހަމަވާތީއެވެ.
