މުސްލިމުންގެ މުގައްދަސް ގިބުލަ ކަމުގައިވާ ކައުބަތުﷲ ގެފުޅު ހިމެނޭ މަސްޖިދު އަލް-ޙަރަމްއާއި، މާ މިސްކިތުގެ ހަރިންމަ ސްޓްރެލައިޒްކޮށް، އަތުރު ލުމަކީ މިއަދު ސައުދީގެ ކަމާ ބެހޭ ފަރާތްތަކުން އެންމެ އިސް ސަމާލުކަމެއް ދެމުން އަންނަ އެއް ކަންތަކެވެ.
މި ދައްކަނީ، ގާތްގަނޑަކަށް 1 މިލިއަން އަކަ މީޓަރުގެ ބޮޑު ސަރަހައްދެއްގެ ވާހަކައެވެ. ދުވާލެއްގެ 24 ގަޑިއިރު، 4 ޝިފްޓަކަށް ބަހާލައިގެން، 4000 މުވައްޒަފުން ދަނީ، މިސްކިތާއި މިސްކިތުގެ ހަރިންމަ ސްޓްރެލައިޒްކޮށް މީރުވަސް ދުވާނެ ހެން ހެދުމުގެ މަސައްކަތް ކުރަމުންނެވެ.
މަސްޖިދު އަލް-ޙަރަމް އާއި ހަރިންމަ ސަރަހައްދު ސާފުކޮށް ސްޓްރެލައިޒް ކުރުމަށް ހޭދަ ވަނީ 35 މިނެޓެވެ. 2 ސުޕަވައިޒަރެއްގެ ބެލެހެއްޓުމުގެ ދަށުން، 9 ޓީމަކުން ހަރަކާތްތެރި ވަނީ ޑިސްއިންފެކްޓް ކުރުމާއި ސްޓްރެލައިޒް ކުރުމުގެ މަސައްކަތުގައެވެ.
މި ދަނޑިވަޅަކީ ކޮރޯނާވައިރަސް ޑިޒީޒް (ކޮވިޑް-19)ގެ ބަލިމަޑުކަމާ މުޅި ދުނިޔެ ހަނގުރާމަ ކުރަމުންދާ ދަނޑިވަޅަކަށް ވެފައި، ބިދޭސީ އުމްރާ ވެރިންނަށް ސައުދީއިން އެ ފުރުސަތު ހުޅުވާލާފައި ވާއިރު، ސާފުތާރިހު ކަމާ ބަލިން ދިފާއުވުމަށްވެސް އެ ގައުމުން ދަނީ ބުރަ މަސައްކަތްތަކެއް ކުރަމުންނެވެ.
ކޮވިޑް-19 ކޮންޓްރޯލް ކުރުމަށް ސައުދީ އިން ތަންފީޒު ކުރަމުން ދާ ފިޔަވަޅުތަކުގެ ނަތީޖާވެސް އެ ގައުމުން ފެނެއެވެ. އެ ގައުމުން ދުވާލެއްގެ މައްޗަށް ކޮވިޑް-19 އަށް ޕޮޒިޓިވްވާ މީހުންގެ އަދަދު މިހާރު ވަނީ 300 ފާހަގައަށް ވުރެ ދަށަށް ގޮސްފައެވެ.
