އަންނަ މަހުގެ 15 ވަނަ ދުވަހުން ފެށިގެން ގެސްޓްހައުސްތައް ހުޅުވަން ހުއްދަ ދޭން ނިންމައިިފިއެވެ.
ގެސްޓްހައުސްތައް ހުޅުވަން ހުއްދަ ދޭން ނިންމާފައިވަނީ ޓާސްކް ފޯސްގެ އޮފިޝަލުންނާއި ރައީސް އިބްރާހިމް މުހައްމަދު ސޯލިހު އާއެކު ރޭ ބޭއްވި ބައްދަލުވުމެއްގައެވެ.
މައުލޫމާތު ލިބިފައިވާ ގޮތުގައި ގެސްޓުހައުސްތަކަށް ހުއްދަ ދިނުމަށް ނިންމާފައިވަނީ ކެޓަގަރީ ތަކަށް ބަހާލައިގެން، ރައްކާތެރިކަމުގެ ފިޔަވަޅު ތަކެއް ފުރިހަމަ ކުރާ ރަށްރަށުގެ ގެސްޓްހައުސްތަކަށެވެ.
ރާއްޖޭގައި ކޮވިޑް ފެތުރެން ފެށުމާއެކު ހަތަރު މަސް ވަންދެން ރާއްޖޭގެ ބޯޑަރުތައް ވަނީ ބަންދުކޮށްފައެވެ. ޓޫރިޒަމް މުޅިން ހުއްޓާލާފައި އޮތުމަށްފަހު ބޯޑަރު އަލުން ހުޅުވައިލީ މި މަހުގެ 15 ވަނަ ދުވަހުއެވެ.
ރިސޯޓުތައް ހުޅުވާލައިގެން ފަތުރުވެރިކަން ކުރިއަށް ގެންދަން ފަށާފައި އޮތް ނަމަވެސް މީހުން ދިރިއުޅޭ ރަށްރަށުގައި ހުރި ގެސްތް ހައުސްތައް ހިންގަން ފަށަން ކުރިން ނިންމާފައި ވަނީ މިދިޔަ މަހުގެ އެއްވަނަ ދުވަހުން ފެށިގެންނެވެ.
