ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިންތަކާ ހިލާފުވި އަންހެނަކު ސ. ފޭދޫ އިން ހައްޔަރުކޮށްފިއެވެ.
ފުލުހުން ބުނީ އެޗްޕީއޭގެ ގައިޑްލައިންތަކާ ހިލާފުވުމާ ގުޅިގެން އުމުރުން 35 އަހަރުގެ ދިވެހި އަންހެނަކު ސ. ފޭދޫ އިން ހައްޔަރުކޮށްފައިވާ ކަމަށެވެ.
އެމީހާ ހައްޔަރު ކޮށްފައިވަނީ ކޯޓު އަމުރެއްގެ ދަށުން ކަމަށް ފުލުހުން ވަނީ ބުނެފައެވެ.
ފުލުހުން ބުނީ އެމައްސަލަ އާ ގުޅިގެން ހައްޔަރު ކުރި މީހާގެ ބަންދަން ގޮތެއް ނިންމުމަށް ކޯޓަށް ހާޒިރުކުރުމުން މިނިސްޓްރީ އޮފް ހޯމްއެފެއާޒް އިން ކަނޑައަޅާ ތަނެއްގައި ބަންދުގައި ބެހެއްޓައިގެން ތަހުގީގު ކުރިއަށް ގެންދިއުމަށް 15 ދުވަހުގެ މުއްދަތެއް ދީފައިވާ ކަމަށެވެ.
ކޮވިޑް-19 ރާއްޖޭގައި ހަލުވި ކަމާއެކު ފެތުރެވުމުންދާތީ އެކަމުން ރައްކާތެރިވުމަސް އެޗްޕީއޭ އިން އަންނަނީ ގިނަ އުސޫލުތަކާ ގަވައިދުތަކެއް ހަދަމުންނެވެ. އަދި އަދި އެ ހަދާ ގަވައިދުތަކާ ހިލާފުވާ ފަރާތްތަކަށް އަންނަނީ އަދަބު ވެސް ދެމުންނެވެ.
