މިރޭ އުމުރުން 83 އަހަރުގެ މީހަކު ނިޔާވެއްޖެއެވެ. އެޗްއީއޯސީގެ ތަރުޖަމާން ޑރ. ނަޒުލާ ރަފީގު ވަނީ އެކަން މިރޭ ހާމަ ކުރައްވާފައެވެ. އޭނާ ވިދާޅުވީ، އައިޖީއެމް ހޮސްޕިޓަލުގައި ފަރުވާ ދެމުން ދަނިކޮށް އޭނާ ނިޔާވި ނަމަވެސް، ކޮވިޑަށް ޕޮޒިޓިވް ކަން އެނގުނީ ނިޔާވި ފަހުން ކަމަށާއި އެހެން ކަމާއެކު އެއީ ކޮވިޑް މަރެއްތޯ އަދި ނުނިންމަވާ ކަމަށެވެ.
ނިޔާވި މީހާގެ މައުލޫމަތު އެޗްއީއޯސީން މީޑިއާގައި ހާމަ ކުރި އިރު، ނިޔާވި މީހާ ކޮވިޑަށް ހެދި ޓެސްޓުން ޕޮޒިޓިވް ކަން އާއިލާއަށް ނާންގާ މީޑިއާއަށް މައުލޫމާތު ދިން މައްސަލައެއްވެސް މިރޭ ވަނީ ފެންމަތި ވެފައެވެ.
އާއިލާގެ ފަރާތުން ސޯޝަލްމީޑިއާގައި އެވާހަކަ ވަނީ ހިއްސާވެއް ކޮށްފައެވެ.
މިއަދު ރާއްޖެއިން އިތުރު 128 މީހަކު ކޮވިޑް-19އަށް ޕޮޒިޓިވް ވެ، ރާއްޖޭގައި މިވަގުތު ފަރުވާ ދެމުންދާ މީހުންގެ އަދަދު މިހާރު ވަނީ 2553 އަށް އަރާފައެވެ.
އެޗްޕީއޭން ބުނީ މިއަދު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެނީ 83 ދިވެހިންނާއި ބަންގްލްދޭޝްގެ 35 މީހުންނާއި އިންޑިއާއަށް ނިސްބަތްވާ 4 މީހަކާއި ނޭޕާލްގެ 2 މީހެއްގެ އިތުރުން ލަންކާގެ 4 މީހެކެވެ.
